Loen 15 - LAWA A BOO SONBORE

Tá kun ka Lawa-n wole a loe

1 Davida a loe n ke.

¹ Davida a loe n ke. Dɛnaa Lawa, die n kɔnboe a wɔ n kion kɛ nɛ? Die n giã ǹ bǎã yii n kele sonbore kɛ la?

² Min mɛn a tɔ wɔ ǹ gɔn bɛ́ pepere, a n sii pepere zɛnɛɛ, a n sonbore pii ká a bɛ́ taasɛ lɔn, bɛa dɛnaa nɛ.

³ A ba min tɔ baraa pii wa, a ba sii baraa zɛnɛɛ ǹ miãn man wa, a ba ǹ miã tɔ pɔpɔsɛ wa.

⁴ Min mɛnɛn bɛ́ ǹ ba kɔɔ̃n Lawa ganaa wa, a laadoo ba bɛn ganaa wa, sɛnɛ, min mɛnɛn bɛ́ nyɛ́ɛ biɛ Dɛnaa Lawa nɛ, a n bɛn narɛ. Bɛ̀ á n lɛ kɔ min la, ta a n nɔmaa nɛ a gɔ́ɔ̃ nɛ, a ba n bɔlɔ bɔyɛɛ wa.

⁵ A giɔ̀mɔ diɛ min ganaa a ga là li wa. A màn sii min la a zɛ̀rɛbaãnaa da sii-n wa. Min mɛn bɛ́ zɛnɛɛ miɛ̃, ǹ dɛnaa a sii kɔn ba talɛɛ wa.