Loen 149 - LAWA A BOO SONBORE

Gɔ̀lɔ̀baa ǹ loe

¹ Aleluya, ka Dɛnaa Lawa tɔ bɔ! Ka loe dii lɔ, ka Dɛnaa Lawa tɔ bɔ nɛ. Ka a tɔ bɔ ǹ loe lɔ, a min sonbore zaman kɛ bii.

² Izirayeli minin, ka n nyɛnyɛɛ, a din na á ka zɛnaa. *Siɔn minin, ka baa zɔ́n lɛa, a din lɛ n kaa kii lɛa.

³ Ka bɛ̀ baa ka a guguru kɔ nɛ, ka maà laanka tùtu dɛ, ka a gugurukɔ nɛ.

⁴ A giala, Dɛnaa Lawa a minin lɛn sii tá kɔɔ̃n a ganaa. A din nə gɔ̀lɔ̀baa ǹ gɛ̀lɛ koe din-gisiĩ wole la.

⁵ Min sonboren lɛn, ka bɛ̀ baa ka Lawa guguru kɔ nɛ.

⁶ Ka n lɛn saa lon, ka barka da Lawa nɛ, gɔya sa lɛ paanan bɔle kɛ ń ka gɔn.

⁷ Ka kaa gɛ̀ dòo bɔ tɔrɔn ganaa, ka dɔlɔ bɔ tɔrɔ kɔsɔ minin kɛn ganaa.

⁸ Ka ǹ gánadɛnan yii ka zɔrɔka nɛ, ka ǹ kiin lɛn yii ka fɔlɔ biɛn nɛ.

⁹ Dɔlɔ mɛn boo nə n kiɛ̃, ka bɛ lɛ bɔ ǹ ganaa. Bɛ na a min sonboren lɛn tumaa a mìi saa lon sii lɛa. Aleluya, ka Dɛnaa Lawa tɔ bɔ!