Loen 142 - LAWA A BOO SONBORE

Lawa nyankɔ a ga dɔmalɛ li ǹ loe

¹ Davida a loe. A Lawa nyan mɛn kɔ bɛ̀ a bɛ́ durii-n kele yala-n.

² Ma nə n lɛ dii kɔsɛkɔsɛ, man lɛ diɛ Dɛnaa Lawa la. Ma nə n lɛ dii kɔsɛkɔsɛ, ma nə n lɛ dii Dɛnaa Lawa li.

³ Man maa busii pii a din yɔrɔ-a, man maa nɔmaa nyɛɛ a din yɔrɔ-a.

⁴ Ma gù yii bɛ́ á gã ma din-a, n din tá doɛ̃, ma bɛ́ woe maa. Ma zii mɛn saa má n tɔ we la, ǹ nə́ kan koa maa zii la.

⁵ Ga ma gusin, n tá re yii: min kɔn din ba ma la wa. Baa si a duru ǹ bǎã kɔn ba ma la wa. Min kɔn din banban, bɛ nə́ n gɔ́ɔ̃ bii ka maa sii-n wa.

⁶ Dɛnaa Lawa, ma nə n lɛ dii n din-a: Yiikoonaan kanaa kɛ nɛ, ma bɛ́ giɛ màn mɛn li, n din ni, maa duru ǹ bǎã lɛ, n din ni.

⁷ N too kɔ doɛ̃, n maa lɛ-dɛ ma, a giala, ma pàã nya á là da. Ma si maa fuu nyaama-n wolen la, a giala, ǹ pàã la ma pàã nɛ.

⁸ Masɛ n kòso-n, ma bɔ n ma da, ma boo la ma barka da n nɛ. Min sonboren tá re ma lɛnpɛnɛ, a giala, ń sii sonbore zɛnaa ma nɛ.