Loen 137 - LAWA A BOO SONBORE

Bɛ̀rɛ nɛn nɔmaa loe Baabilonii

¹ Wɔ bɛ́ *Baabilonii tà lɛ-a, bɛ̀ wɔ́ n taasɛ Zeruzalɛmu ni, wɔ n giɛ̃ tán, bɛ̀ wɔ wuu pɛ.

² Dan mɛnɛn bɛ́ kunu kɔ̀ li, wɔ́ wɔa tùtun lɔɔ bɛn-a.

³ Min mɛnɛn bɛ́ ǹ nə́ woo wɔ nɛ, bɛn man nə́ goã mà wɔ loe lɔ. Wɔ bɛ́ fuu yii min mɛnɛn gɔn, bɛn mà wɔ foo kɔɔ̃nbaa ǹ loe lɔ, mà wɔ Zeruzalɛmu loe kɔn lɔ ǹsɛn nɛ.

⁴ Wɔ bɛ́ n min kɔsɔn tán la dɔn, wɔ n die Dɛnaa Lawa a loe loe ka-n lɔn?

⁵ Bɛ̀ ma yiri bɔ n nɛ, Zeruzalɛmu, ma gusin yiri bɔ tùtu dɛ lɛ dɔ nɛ.

⁶ Bɛ̀ n sii goã ma yiri-n wa, bɛ̀ ma Zeruzalɛmu da nyɛɛn wa, maa foo kɔɔ̃n sii tumaa nyɛɛn wa, ma lɛwɔn dama ma kəərin li.

⁷ Zeruzalɛmu kuĩ pinaa, Edɔmu minin da ǹ boo lɛ: «Ka yu, ka yu, ka yu lenlen», Dɛnaa Lawa, n yiri nyan bɔ ka bɛ-n wa.

⁸ Baabilonii minin, basaã á die ka-a! Ka baraa mɛn zɛnaa wɔsɛn manɛ, min mɛnɛn bɛ́ re bɛ dòo sarɛɛ ka la, Lawa á re barka diɛ bɛn ganaa.

⁹ Min mɛnɛn bɛ́ re kaa nɛnyaanan kɛn kuĩ, bɛ̀ ǹ nə ǹ yɔyɔrɛ tán kɔlɔ la, Lawa á re barka diɛ bɛn ganaa.