Loen 130 - LAWA A BOO SONBORE

Fuu-yɛle a ga dɔmalɛ li ǹ Lawa nyankoe

1 Wo Zeruzalɛmu loe.

¹ Wo Zeruzalɛmu loe. Ma bɛ́ fuu gole gɔ́ɔ̃ nɛ, man lɛ diɛ n la, Dɛnaa Lawa:

² Dɛnaa, toa n ma lɛ ma, n too kɔ doɛ̃, n maa goã-kũ ma.

³ Bɛ̀ ma n wɔ kuĩ wɔa sã ǹ siin kɛn li, Dɛnaa Lawa, die n boe la a la?

⁴ Sɛnɛ, makara nə n din lon, n tá sã toɛ, bɛ lɛ n ke wɔ á re nyɛ́ɛ biɛ n nɛ.

⁵ Ma foo n doa-n Dɛnaa Lawa ganaa, ma foo tumaa á doa nɛ a ganaa, ma foo á doa nɛ a boo ganaa.

⁶ Ma nə n yii diɛ Dɛnaa Lawa la. Wɔlɔ-lɛduə̃li bɛ́ n yii diɛ lɛ̀ a waa la lɔn, ma nə n yii diɛ la á la bɛ nɛ.

⁷ Izirayeli minin lɛn, ka daa wɔ n foo doa Dɛnaa Lawa ganaa. A giala bǐɛ̃baa tá Dɛnaa Lawa lon, a min si sii la ǹ yɔrɔ mɔnaa.

⁸ A din nə die wɔsɛn sã ǹ siin lɛn tumaa a guĩ siɛ, a bɔ wɔ mìi ni.