Loen 13 - LAWA A BOO SONBORE

Foo ziziɛ̃ pɛ Lawa-n boo

¹ LOE-saalin goledɛnaa loe mɛn lɔ. Davida a loe.

² Dɛnaa Lawa, n yiri n die boe ma ganaa duduu yǎa biĩ? Ma n die n duri ma la yǎa biĩ?

³ Man die n gɔ́ɔ̃ bii yǎa biĩ? Foo ziziɛ̃ kɛ n ma ganaa baraabaraa? Man die goɛ̃ maa zɔ́ɔn kɛn gɔn kɛnɛn yǎa biĩ?

⁴ Ga le, Dɛnaa Lawa, maa Lawa! Bǐɛ̃ kɔ n maa nyankɔ si. Pàã boɛɛn kɔ ma la, màn mɛn bɛ́ toɛ ma baran gã wa.

⁵ Bɛ bie wa, maa zɔ́ɔn kɛn man die pii, mà ǹsɛn nə́ boo ma la. Maa zɔ́ɔn kɛn man die n nyɛnyɛɛ maa mɛnaa kɛa lɛa.

⁶ Masɛ, masɛ nə n foo doɛ n din a kɔn-narɛɛ gole kɛ ganaa. Ma nə n nyɛnyɛɛ, n kirisibaa kɛa lɛa. Dɛnaa Lawa, n bǐɛ̃ mɛn zɛnaa ma nɛ, man die loe loe ma n tɔ bɔ nɛ.