Loen 128 - LAWA A BOO SONBORE

Nyɛ́ɛbaa Dɛnaa Lawa-n wole a là

1 Wo Zeruzalɛmu loe.

¹ Wo Zeruzalɛmu loe. Min mɛnɛn tumaa bɛ́ nyɛ́ɛ biɛ Dɛnaa Lawa nɛ, ǹ nə́ koe a zii lɛ, Lawa á re barka diɛ bɛn ganaa.

² N din dí mɛn nya ka n gɔn nɛ, n tá re a màn bii. N foo á re kɔɔ̃n koe, n wɔ n ka yii-nyɛɛ nɛ!

³ N lɔ n die goɛ̃ ka too da nɛ-kɔle bɛ́ lɔn n kion. N nɛnyaanan tá re n màn bii ǹ bǎã lɛnpɛnɛ ka kuù da tenən bɛ́ a lɛnpɛnɛ lɔn.

⁴ Min mɛn bɛ́ nyɛ́ɛ biɛ Dɛnaa Lawa nɛ, a n barka diɛ a ganaa miɛ̃.

⁵ Dɛnaa Lawa die a n toa a kion *Siɔn kele la, a barka da n ganaa. N tá re Zeruzalɛmu a màndɛnaabaa yii n yiikoonaabaa tumaa gɔ́ɔ̃ nɛ.

⁶ N tá re n nɛnyaanan nɛnyaanan yii. Dɛnaa Lawa die a là nyantoro kɔ Izirayeli la.