Loen 127 - LAWA A BOO SONBORE

Sumu a bǐɛ̃-kɔ n boe Lawa li

1 Wo Zeruzalɛmu loe. Salomɔn a loe n ke.

¹ Wo Zeruzalɛmu loe. Salomɔn a loe n ke. Bɛ̀ Dɛnaa Lawa kion mɛn dɔ wa, a dɔlen man dí nyɛɛ kooro. Bɛ̀ Dɛnaa Lawa ba kiwi mɛn lɛduĩ wa, a lɛduə̃lin man lɛ wɛɛ ǹ yii n koo kooro.

² Kaa yoo lɛlɛ kɛ lɛ, ká n dí nyɛɛ ka a n susui wa, ká n giɛ màn-bii li ká n fuu yii, a là banban. Lawa bɛ́ min mɛn narɛ, a n toɛ nyuù ni, a na a laadoo bǐɛ̃ kɔ.

³ Ka ga, Dɛnaa Lawa na á nɛnyaanan kɔ sumu a kíɛ̃ lɛa, là gole ne Dɛnaa Lawa kɔ.

⁴ Giĩ bɛ́ nɛnyaanan mɛnɛn yii a tɔntɔraabaa waáraa, bɛn man goon ka zia-baali a kiɛn nɛ a gɔn, á n din lɛduĩ ni.

⁵ Bɛ̀ min mɛn ná a koã pã ka bɛ miã kiɛn lɛn nɛ, bɛ wɔ na á bǐɛ̃ kɔ! Ta a zɔ́ɔ n boo diɛ a ganaa kiwi a kiri wɔ ǹ bǎã nɛ, sìi á re kuĩ wa.