Loen 126 - LAWA A BOO SONBORE

Wusoo a dɔmalɛ nyankɔ Lawa lon loe

1 Wo Zeruzalɛmu loe.

¹ Wo Zeruzalɛmu loe. Dɛnaa Lawa bɛ́ á wusoo á daa ka wɔ nɛ Zeruzalɛmu, a n ka wɔ nə n narɛ.

² Bɛa biikoo li, wɔ lɛ pã ka yaa nɛ, wɔ lɛwɔn nə foo kɔɔ̃nbaa boo diɛ. Maǹ pii gánan nɛ bɛa biikoo li: Dɛnaa Lawa sii gole zɛnaa ǹ nɛ dɛ!

³ Taãn nɛ, Dɛnaa Lawa sii gole zɛnaa wɔ nɛ, bɛ lɛ n ke wɔ á n nyɛnyɛɛ.

⁴ Dɛnaa Lawa, wusoo n da n dɔ wɔa minin lɛn lɛ, ka mu bɛ́ wusii á die pɛrɛ gɔ́ɔ̃ gere basɛ̃ lɔn.

⁵ Min mɛnɛn bɛ́ ǹ nə́ màn tɔrɔ da ka yii mu ni, toa bɛn nə kuru ka nyɛnyɛɛ nɛ.

⁶ A bɛ́ soe woe, a na á woo ka wuu ni, a màn tɔrɔ bɔnaa n lɔɔ nɛ a ganaa. A bɛ́ wusii die, a na á daa ka nyɛnyɛɛ nɛ, ka wii gigiã nɛ a gɔn.