Loen 125 - LAWA A BOO SONBORE

Foo-doa Dɛnaa Lawa ganaa wole a loe

1 Wo Zeruzalɛmu loe.

¹ Wo Zeruzalɛmu loe. Min mɛnɛn bɛ́ n foo doɛ Dɛnaa Lawa ganaa, bɛn man ka *Siɔn kele bɛ́ lɔn, màn kɔn ba bìn diɛ a ganaa wa, a na a tan yǎa duduu.

² Zeruzalɛmu lɛ, kelen man a lɛnpɛnɛ. Dɛnaa Lawa dɔ na a minin lɛn lɛnpɛnɛ miɛ̃, a kũ kanna ganaa, yǎa duduu.

³ Kii babaraa a goɛ̃ min peperen lɛduĩ miɛ̃, a bǐɛ̃ kɔ wa. Bɛ̀ bie wa, min peperen lɛn dɔn man die n siɛ li, ǹ sii baraa zɛnaa.

⁴ Dɛnaa Lawa, min mɛnɛn bɛ́ sii bǐɛ̃ zɛnɛɛ, bǐɛ̃ zɛnaa bɛn manɛ. Min mɛnɛn gɔ́ɔ̃ bɛ́ fu, bǐɛ̃ zɛnaa bɛn manɛ.

⁵ Sɛnɛ, min mɛnɛn nə kanaa, ǹ nə́ zii kɔkɔrɔ saa, Dɛnaa Lawa, bɛn loo kun ka baraa-zɛnaalin kɛn nɛ. Là nyantoro die a giã Izirayeli li.