Loen 124 - LAWA A BOO SONBORE

Dɛnaa Lawa a wɔa Dɔmalɛ wole baa loe

1 Wo Zeruzalɛmu loe. Davida a loe.

¹ Wo Zeruzalɛmu loe. Davida a loe. Bɛ̀ Dɛnaa Lawa bie wa, die kɔsɔ n wɔ la? Izirayeli minin, ka bɛ lɛ pɛ.

² Minin bɛ́ wɔ gialaa ǹ mɛn waáraa, bɛ̀ Dɛnaa Lawa bie wa, die kɔsɔ n wɔ la?

³ Ǹ foo lɛ bɛ́ á yoo wɔ li á la yii ni, bɛ̀ maǹ die wɔ soɛ̃ wɔ yii n koo.

⁴ Bɛ̀ mu n die wɔ siɛ a kiɛ̃ wɔ nɛ, bɛ̀ mu gole n die wɔ bii lenlen,

⁵ bɛ̀ mu tii n die baa sii a bɔ wɔ la.

⁶ Wɔa barka á Dɛnaa Lawa ganaa, asɛ mɛn bɛ́ á wɔ si wɔa zɔ́ɔn kɛn lɛ la.

⁷ Wɔ́ kirisibaa biɛ-koalin biɛ ganaa. Wɔ́ kirisibaa ka bàan bɛ́ lɔn. Biɛ na, wɔ́ la.

⁸ Wɔsɛn dɔmalɛ wole n ka Dɛnaa Lawa din ni. A din na á lon laanka tán zɛnaa.