Loen 123 - LAWA A BOO SONBORE

Makara bɔ ǹ loe

1 Wo Zeruzalɛmu loe.

¹ Wo Zeruzalɛmu loe. Man ma yɔrɔ diɛ n din la, Dɛnaa Lawa, nsɛ mɛn bɛ́ giã-n lon kii lɛa.

² Bɛ̀rɛgiĩ bɛ́ n yii diɛ a goledɛnaa gɔn li lɔn, bɛ̀rɛlɔ bɛ́ n yii diɛ a goledɛnaa gɔn li lɔn, Dɛnaa Lawa wɔa Lawa, wɔ dɔn manə n yii diɛ n dɔ gɔn li miɛ̃, wáa n da makara bɔ wɔ ganaa.

³ Makara bɔ wɔ ganaa, Dɛnaa Lawa, makara bɔ wɔ ganaa! A giala tɔ ziziɛ̃ la wɔ yii ni.

⁴ Á la wɔ yii ni, á wɔ gɔ̀nɔn bɔ. Din-yɛlen man wɔ diɛ yaa lɛa, din-koalin man wɔ tɔ ziziɛ̃.