Loen 122 - LAWA A BOO SONBORE

Dɔ Zeruzalɛmu loe

1 Wo Zeruzalɛmu loe. Davida a loe n ke.

¹ Wo Zeruzalɛmu loe. Davida a loe n ke. Ǹ bɛ́ ǹ nə́ pɛ masɛ nɛ ǹ mɛn waáraa, mà ma daa wɔ n tá Dɛnaa Lawa a kion, bɛ́ ma foo kɔɔ̃n kɔ parsiini.

² Kanna, wɔ á ke wɔ́ dɔ Zeruzalɛmu, wɔ á ke golee-n Zeruzalɛmu kiwi.

³ Ǹ nə́ Zeruzalɛmu kiwi dɔ doɛ̃, kungɔn ná a lɛnpɛnɛ ka maabɛlɛ bɛ́ lɔn.

⁴ Izirayeli tɔrɔn man woe Zeruzalɛmu, Dɛnaa Lawa, Lawa a minin lɛn man woe walan, maǹ woe Dɛnaa Lawa tɔ boe, a kɔnpɛ ka landa mɛn bɛ́ koa-n Izirayeli gána nɛ.

⁵ A giala, kiri wɔ ǹ kii dankanan tá koa-n tán walan, Davida a kion minin kii dankanan tá walan.

⁶ Ka Lawa nyankɔ a là nyantoro kɔ Zeruzalɛmu la. Min mɛnɛn bɛ́ kiwi lɛ narɛ, bɛn die ǹ là nyantoro yɛ.

⁷ Lawa die a toa là nyantoro yɛ n kiwi lɛ nɛ, a die a toa là nyantoro yɛ ǹ kion sonboren kɛn nɛ.

⁸ Ma dɔɔ̃nɔn lɛn laanka maa tá kun wolen lɛn lɛa, man pii: Lawa die a toa là nyantoro goã Zeruzalɛmu.

⁹ Wɔa Dɛnaa Lawa a kion kɛ taman yii, man giɛ li n yii-nyɛɛ yɛ.