Loen 120 - LAWA A BOO SONBORE

Kanbaa soɛ-bɔlen ganaa loe

1 Wo Zeruzalɛmu loe.

¹ Wo Zeruzalɛmu loe. Maa fuu kɛ gɔ́ɔ̃ nɛ, má n lɛ dɛ Dɛnaa Lawa ganaa, á ma lɛ si dɔn.

² Dɛnaa Lawa, lɛ mɛn bɛ́ soɛ boe, lɛwɔn mɛn bɛ́ minin yiri siɛ̃, ma si bɛn la.

³ Soɛ-bɔle, soɛ lɛ n die wàa koe n la? Ma n die wàa boe a nɛ?

⁴ Zia da ǹ kiɛ lɛ-bɔle-an manɛ, koron gɔn mìi tɛ nɛ.

⁵ Bɔ̀n na á masɛ yɛ! Ma din a wo tii baa min kakaarɛn bii ke Mesɛki, ma din a wo giã min baraan bii ke Kedaara.

⁶ Là nyantoro bɛ́ a kɔɔ̃n min mɛnɛn ganaa wa, má giã bɛn li, má belebɔ á la yii ni.

⁷ Masɛ máa là nyantoro. Sɛnɛ, bɛ̀ má n lɛ tɔ a nɛ, ǹsɛn mà zia.