Loen 12 - LAWA A BOO SONBORE

Lawa a boo a taãnbaa

¹ LOE-saalin goledɛnaa loe mɛn lɔ tùtu nɛ kiwisidɛnaa wuu li. Davida a loe.

² N dɔ ma lɛ, Dɛnaa Lawa! Min sonbore din banban doo wa. Foo doama a wole din ba minbuiinin bii doo wa.

³ Maǹ soɛ kukuri kɔn nɛ. Ǹ lɛ gɔ́ɔ̃ yii n kɔn bebele ǹ boo. Ǹ ba boo diɛ ǹ nə́ n gɔ́ɔ̃ toɛ̃ wa.

⁴ Dɛnaa Lawa, ǹ kɔn bebele ǹ lɛ kɛ lɛ kuru. Ǹ boo dadara da ǹ lɛwɔn kɛ lɛ kuru.

⁵ Ǹ mɛnɛn lɛn bɛ́ mà kɛnɛn: Wɔsɛn lɛwɔn nə wɔ pàã lɛa. Wɔ lɛ nə n doe wɔ lɛ. Die n die boe wɔ la?

⁶ Bɛ lɛ nɛ Dɛnaa Lawa pɛ: Masɛ n die yui, ma daa. Ǹ bɛ́ boe nɔmaa-wɔlen kɛn yii-n miɛ̃, doobaan kɛn nə ginii we, man die yui. Ǹ bɛ́ sɛ̀ kiɛ min mɛnɛn ganaa ke, masɛ n die yui kanna kəni, ma bɛn si sii la.

⁷ Dɛnaa Lawa a boon lɛn man taãn lɛa. Maǹ ka wɔrɔ mɛn bɛ́ ǹ nə́ da tɛ-n, ǹ nə́ giɛ a taãnbaa ganaa, á fu kɔ yǎa gunyin sɔbaa.

^8-9 Gɛsɛbaa bɛ́ á tɔ baa minbuiinin gɔn! Min baraan kɛn manə n bibiĩ bǎã tumaa nɛ. Dɛnaa Lawa, nsɛ bɛ́ n ba wusii n da ǹ boo kio wa, n din tá re giɛ wɔ walan, n wɔ kanbaa kɛ miã minin kɛn ganaa yǎa duduu.