Loen 114 - LAWA A BOO SONBORE

Lawa kanaa zuzuu ǹ siin mɛnɛn zɛnaa Ezipti ganaa

¹ Izirayeli nɛnyaanan bɛ́ soe Ezipti, Zakɔba tɔrɔ minin kɛn bɛ́ n boe tɔrɔ kɔsɔ minin kɛn bii,

² Zudaa gána na á Dɛnaa a bǎã sonbore baa. Izirayeli gána ná a wɔ baa.

³ Ǹ bɛ́ ǹ nə́ Izirayeli nɛnyaanan lɛn yɛ, yìsi mu gole kɛa mu baa si á papaã, Zurdɛ̃ tà kɛa mu wusoo a kio ne.

⁴ Kelen gɔ́ɔ̃ wɔ̃, ǹ nə́ paparɛ ka sèren bɛ́ lɔn, tentenen nə́ paparɛ ka bòen bɛ́ lɔn.

⁵ Yìsi mu gole, wàa na á baa, n tá baa sii? Zurdɛ̃ tà, wàa na á baa, n tá wusii?

⁶ Kelen lɛn, wàa na á baa, ka á paparɛ ka sèren bɛ́ lɔn? Kasɛn dɔn tentenen lɛn, wàa na á baa, ka á paparɛ ka bòen bɛ́ lɔn?

⁷ Tán bìn da Dɛnaa Lawa yɔrɔ-a, Zakɔba a Lawa lɛ yɔrɔ-a.

⁸ A din na á kele bɔyaa, á baa mu a bɔ ǹ bǎã lɛa, á kɔlɔ bɔyaa, á baa mu a soo ǹ bǎã lɛa.