Loen 112 - LAWA A BOO SONBORE

Nyɛ́ɛbaa Lawa-n bɛ́ die ka bǐɛ̃ mɛn nɛ

¹ Aleluya, ka Dɛnaa Lawa tɔ bɔ! Min mɛn bɛ́ nyɛ́ɛ biɛ Dɛnaa Lawa nɛ, a ná a dí-pɛn kɛn dɔn narɛ, bɛa dɛnaa wɔ na á bǐɛ̃ kɔ.

² Pàã n die goɛ̃ a nɛnyaanan lon tán kɛ la, barka n die yii min pepere tɔrɔn lon.

³ Gɔn màn laanka yii-nyɛɛ n min pepere a kion. A sii pepere zɛnaa lɛ n goɛ̃ yǎa duduu.

⁴ Wɔlɔ tì li, a n tɛ fúlu boe min pepere kɔsɔn manɛ. A n min pepere lɛa, min bǐɛ̃ lɛa, makara doɛ̃ wole lɛa.

⁵ Min mɛn bɛ́ nɔmaa-wɔle makara doɛ̃, á n giɔ̀mɔ diɛ a ganaa, a ná a sii yɔrɔ boe ka peperebaa nɛ, bɛa dɛnaa wɔ á re bǐɛ̃ koe.

⁶ Màn kɔn ba re bìn diɛ bɛa dɛnaa ganaa wa. Yiri a boe ka min pepere-n duduu wa.

⁷ Sii baraa a daa boo ba nyɛ́ɛ diɛ a ganaa wa. A yiri n bǎã goon ne, a foo n doa-n Dɛnaa Lawa ganaa.

⁸ A foo n doa-n ka kaka, nyɛ́ɛ ná a ba a ganaa wa. Á doɛ̃ mà asɛ a zɔ́ɔn tá re foɛ̃ asɛ li.

⁹ A nə n gɔn lɛ buĩ á doobaan goe ka màn nɛ. A sii pepere zɛnaa n goɛ̃ yǎa duduu. A n die tɔ golebaa yii, ka gugurubaa nɛ.

¹⁰ Min baraa n die yii, a n lɛ məə li, a n die n lɛ sɔ̃sɔ̃ li, a fɔ̃. A gɔ́ɔ̃gɔ́ɔ̃ ǹ sii tumaa n kooro biɛ.