Loen 110 - LAWA A BOO SONBORE

Lawa a kii lɛ bɛ́ wúlu-bɔle dɔ lɛa lɔn

1 Davida a loe goon ne. LOE ne.

¹ Davida a loe goon ne. LOE ne. Dɛnaa Lawa na á pɛ maa dɛnaa lɛ nɛ kɛnɛn: Giã ma gusin, yǎa ma gɔ̀lɔ̀baa lɛ piɛ̃ koe n la, n zɔ́ɔn la, ǹ die kiɛ tán n gòãn giulun.

² Dɛnaa Lawa n die n pàã lɛ boe li, a bɔ *Siɔn, ń giɛ, nsɛ tá goɛ̃ gole n zɔ́ɔn bii.

³ N zaman lɛ á die n din koe ka foo kɔɔ̃n nɛ, n zia-baalin lɛ sɔkɔn pinaa kɛ nɛ. Tɔntɔraan tá die n li, kele sonboren kɛn la, ǹ tumaa n bɔlɔbɔlɔ ka buu buruu bɛ́ lɔn.

⁴ Dɛnaa Lawa na á n liɛ kɛnɛn, a ba re wusii a boo dɔ kio wa: Ma n wúlu-bɔle lɛa yǎa duduu, ka Mɛlkizedɛki wɔ bɛ́ lɔn.

⁵ Dɛnaa lɛ tá kunun n ni, bɛ̀ a foo yoo ǹ mɛn pinaa, á re kiin yɔyɔrɛ.

⁶ A din nə kiri we tɔrɔ kɔsɔn kɛn ganaa, a kiin yɔyɔrɛ kanaa paǹ tumaa ganaa, geren man goɛ̃ dere-n kɔn la.

⁷ Zii la, kii lɛ n woe mu mii pɛrɛ nɛ, ń giɛ á pàã yii, a gɔ̀lɔ̀ baa.