Loen 11 - LAWA A BOO SONBORE

Lawa yii a màn tumaa yɛ boo

1 LOE-saalin goledɛnaa loe mɛn lɔ. Davida a loe.

¹ LOE-saalin goledɛnaa loe mɛn lɔ. Davida a loe. Masɛ n má kaa Dɛnaa Lawa yele. Wàa na á baa ká n pii ma nɛ: Baa si n wo kele la, ka bàan bɛ́ lɔn.

² Ga min baraan kɛn ganaa, ǹ nə́ sa dii. Maǹ kiɛ zoɛ̃ sa biɛ la, ǹ nə́ die min pepere piɛ̃ wɔlɔ tì li.

³ Sii kɔn din bɛ́ a ba a giala la doo wa, min pepere n boe la a wàa zɛnaa?

⁴ Sɛnɛ, Dɛnaa Lawa tá a giã ǹ bǎã sonbore kɛ nɛ. A tá a kiibaa ǹ bǎã kɛ-n lon, a yii tá min tumaa ganaa, á giɛ minbuiinin zɛnaa ǹ sii ganaa.

⁵ Dɛnaa Lawa n min pepere a sii gɔsiɛ. Min baraa nɛ, ka kakaarɛbaa bɛ́ kɔɔ̃n min mɛn ganaa, a n bɛn biɛ zɔ́ɔ.

⁶ Á re kiribi tɛdɛnaa kiɛ min baraan kɛn la. Piɛ̃ mɛn bɛ́ min tiɛ̃, bɛ á re ǹ wɔ gii biɛ.

⁷ A giala Dɛnaa Lawa á pepere, sii pepere n kɔɔ̃n-a. Min peperen lɛn man die yii, yii laanka yii.