KZS1 7 - LAWA A BOO SONBORE

Isakaara tɔrɔn

¹ Isakaara na á nɛ sii yɛ: Tolaa nɛ, Puwa nɛ, Yɔɔbu ni, ka Simɔrɔn nɛ.

² Tolaa a nɛnyaanan man ka kɛn nɛ: Uzi ni, Refaya nɛ, Yeriyeli nim Yamayii ni, Yibusamu ni, ka Semuyeli ni. Maǹ nə́ goã Tolaa tɔrɔn kɛdɛnan lɛa, ǹ nə́ min zíndɛnan lɛa. Davida a biikoo li, ǹ tɔrɔ minin man nə́ goã min duu fuəwenpaa ka biɛsɔrɔ (22 600).

³ Uzi a nɛ n ka Yiziraya nɛ. Yiziraya laanka a nɛgiĩn kɛn nɛ, Mikayeli ni, Obadiya nɛ, Zowɛli ni, ka Isia nɛ, ǹ dinin min sooro tumaa na á goã kɛdɛnan lɛa.

⁴ Ǹ sɔmɔ lɔn laanka ǹ sɔmɔ nɛnyaanan nə́ goã mɔnaa nɛ parsiini. Bɛ lɛ n ke, ǹ nə́ giĩ duu pɔsɔɔwensɔrɔ (36 000) kɔ, ǹ nə́ boe ziabaa la.

⁵ Isakaara a tanlɛn kɛn minin gialakunun mɛnɛn tumaa tɔ bɛ́ tɔrɔ basan sɛ́wɔn kɛn nɛ, ǹ nə́ min foo taãnaan lɛa, bɛn man nə́ goa min duu pɔkiwisiwensɔbaa (87 000).

Bɛnzamɛn laanka Nɛfutalii tɔrɔn

⁶ Bɛnzamɛn na á nɛ sɔɔ yɛ: Belaa nɛ, Bekɛɛrɛ laanka Yediyayeli ni.

⁷ Belaa na á nɛ sooro yɛ: Esibɔn nɛ, Uzi ni, Uziili ni, Yerimɔti laanka Irii ni. Ǹ gogoonmaa na á goã min yii guguru-a lɛa, kɛdɛnaa lɛa. N bɛ́ ǹ nə́ ǹ tɔrɔn nimi, maǹ nə́ goã duu fuəwenpaa ka pɔsɔɔwensii (22 034).

⁸ Bekɛɛrɛ a nɛnyaanan man ka kɛn nɛ: Zemiraa nɛ, Zoasi ni, Eliyezɛɛrɛ nɛ, Eliwoyemayii ni, Omurii ni, Yeremɔti ni, Abiya nɛ, ka Anaatɔti laanka Alɛmɛti ni. Bekɛɛrɛ a nɛnyaanan tumaa n ka bɛn nɛ.

⁹ Ǹ bɛ́ ǹ nə́ bɛa kɛdɛnan kɛn lɛn tɔrɔn nimi, maǹ nə́ goã giĩ foo taãnaa duu fuə ka biɛpaa (20 200).

¹⁰ Yediyayeli a nɛ n ka Bilan nɛ. Bilan dɔ a nɛnyaanan man ka kɛn nɛ: Yewusi ni, Bɛnzamɛn nɛ, Ewuudu ni, Kenaanaa nɛ, Zetan nɛ, Tarsiisi ni, ka Ayiisahara nɛ.

¹¹ Bɛa Yediyayeli tɔrɔn kɛn lɛn, ǹ tumaa n min yii guguru-a lɛa, ǹ gogoonmaa na á goã kɛdɛnaa lɛa. Ǹ zaman na á goã giĩ duu fulusɔbaa ka biɛpaa (17 200) ǹ nə́ boe ziabaa la.

¹² Supimu laanka Upimu na á goã Irii a nɛnyaanan lɛa. Usimu na á goã Ayɛrɛ a nɛ lɛa.

¹³ Nɛfutalii a nɛnyaanan man ka kɛn nɛ: Yaseeli ni, Gunii ni, Yesɛɛrɛ nɛ, ka Salumu ni. Maǹ nə́ goã Bilaa tɔrɔn lɛa.

Manaasee tɔrɔn

¹⁴ Manaasee a nɛnyaanan man ka kɛn nɛ: Asiriyeli laanka Makiiri ni. A lɔ kɔsɔ ke Siiri nɛ lɛa, bɛ na á ǹ yɛ. Makiiri n Galaati a díi lɛa.

¹⁵ Makiiri lɔ wɔ á kɔ Upimu laanka Supimu la. Makiiri lɛ miãnɛn tɔ na á goã Maakaa. Makiiri a nɛgiĩ lɛ a paabaa ǹ wɔ tɔ n Selofadi. Selofadi lɛ sɛ na á nɛlɔn dininsɔɔ̃nɔn yɛ.

¹⁶ Maakaa ke Makiiri a lɔ lɛa, bɛ́ wusoo á nɛ kɔsɔ yɛ, a ná a tɔ kɔ mà Perɛsi, á kɔsɔ yɛ doo, á bɛ tɔ kɔ mà Serɛsi. Serɛsi na á goã Ulamu laanka Rekɛmu a díi lɛa.

¹⁷ Ulamu sɛ na á goã Bedan a díi lɛa. Makiiri a nɛ Galaati lɛ, Manaasee a nɔ̀ɔn lɛa, bɛ tɔrɔn man ka bɛn nɛ.

¹⁸ Galaati ǹ miãnɛn Molɛkɛti ke, bɛ na á Ikodi yɛ, Abiezɛɛrɛ nɛ, ka Malaa nɛ.

¹⁹ Semidaa a nɛnyaanan man nə́ goã ka Ayan nɛ, Sekɛmu ni, Likii ni, ka Aniyamu ni.

Efrayimu tɔrɔn

²⁰ Efrayimu tɔrɔn nə koa kɔn la lɔn, di laanka nɛ nɛ, bɛn man ka kɛn nɛ: Sutelaa nɛ, Berɛdi ni, Tayati ni, Elada nɛ, Tayati ni,

²¹ Zabadi ni, Sutelaa nɛ, Ezɛɛrɛ nɛ, ka Elaad ni. Gatii gána a bǎã minin nə́ Ezɛɛrɛ laanka Elaad dɛ ǹ nə́ gã, a giala maǹ nə́ goã ǹ nə́ woo mà maǹ bɛa minin lɛn tɔɔn koɛ̃.

²² Ǹ di Efrayimu lɛ nə́ ǹ gɛ̀ koa lɛawaa damata gɔ́ɔ̃ nɛ. Ǹ dɔɔ̃nɔn dɔn nə́ daa gú wɔ la.

²³ Bɛ kio, Efrayimu giã kun ka a lɔ nɛ, lɔ lɛ nɔ̀ si, á nɛ yɛ, Efrayimu ná a tɔ kɔ mà Beriya, a giala a kion na á goã koe bii.

²⁴ Efrayimu nɛlɔ goon dɔ yɛ, a tɔ ń Seraa. Bɛa nɛlɔ lɛ na á Bɛti-Ɔrɔn kiwi kɛ dɔ tán nɛ, Bɛti-Ɔrɔn kiwi kɛ nɛ lon li, ka Uzɛn-Seraa kiwi ni.

²⁵ Beriya tɔrɔn nə koa kɔn la lɔn, di laanka nɛ nɛ, bɛn man ka kɛn nɛ: Refaa nɛ, Resɛfu ni, Telaa nɛ, Taani ni,

²⁶ Ladan nɛ, Amiwudu ni, Elikamaa nɛ,

²⁷ Nunu laanka Zozoe ne.

²⁸ Bǎãn mɛnɛn nə dɔ Efrayimu tɔrɔn lɛn ganaa ǹ giã ǹ bǎãn lɛa, bɛn man ka kɛn nɛ: Betɛli laanka a kio kiwin manɛ, Naaran kiwi kɛ nɛ, lɛ̀giala gɔn la. Gezɛɛrɛ laanka a lɛkoro-a kiwin kɛn manɛ lɛ̀nyɛɛnɛ, ka Sisɛmu laanka a lɛkoro lɛ-a bǎãn nɛ, a wo Aya kiwi laanka a lɛkoro-a kiwin yaa.

²⁹ Kiwin kɛn man nə́ goã Manaasee tɔrɔn sɛn gɔn: Bɛti-Seyan laanka a lɛkoro lɛ-a kiwin ni, Tanaaki laanka a lɛkoro lɛ-a kiwin ni, Megidoo laanka a lɛkoro lɛ-a kiwin ni, ka Dɔɔrɔ laanka a lɛkoro lɛ-a kiwin ni. Izirayeli a nɛ Zozɛfu tɔrɔn man nə́ goã giã-n bɛa kiwin lɛn nɛ.

Asɛɛrɛ tɔrɔn

³⁰ Asɛɛrɛ a nɛnyaanan man ka kɛn nɛ: Imunaa nɛ, Isiwaa nɛ, Isiwii ni, Beriya nɛ, ka ǹ miãnɛn Seraa nɛ.

³¹ Beriya a nɛnyaanan man ka kɛn nɛ: Ebɛɛrɛ laanka Malkiyeli ni. Malkiyeli lɛ na á goã Birzayiti a díi lɛa.

³² Ebɛɛrɛ na á Yafleti yɛ, Semɛɛrɛ nɛ, Otaamu ni, ka ǹ miãnɛn Suwa nɛ.

³³ Yafleti a nɛnyaanan man ka kɛn nɛ: Pasaaki ni, Bimaali ni, ka Asebaati ni, bɛn lɛn man Yafleti a nɛnyaanan lɛa.

³⁴ Yafleti lɛ dɔɔ̃ngiĩ Semɛɛrɛ a nɛnyaanan man ka kɛn nɛ: Ahii ni, Roga nɛ, hubaa laanka Aramu ni.

³⁵ Ǹ dɔɔ̃ngiĩ Otaamu dɔ a nɛnyaanan man ka kɛn nɛ: Sofaa nɛ, Imunaa nɛ, Selɛki laanka Amaali ni.

³⁶ Sofaa a nɛnyaanan man ka kɛn nɛ: Suwaa nɛ, Harnefɛɛrɛ nɛ, Sawali ni, Beeri ni, Imuraa nɛ,

³⁷ Besɛɛrɛ nɛ, Odi ni, Sama nɛ, Silisaa nɛ, Yitran nɛ, ka Beeraa nɛ.

³⁸ Yitran a nɛnyaanan man ka kɛn nɛ: Yefunee ne, Pisepaa laanka Ɛraa nɛ.

³⁹ Ulaa a nɛnyaanan man ka kɛn nɛ: Araa nɛ, Aniyeli ni, ka Risia nɛ.

⁴⁰ Bɛa minin kɛn lɛn tumaa na á goã Asɛɛrɛ tɔrɔn lɛa. Maǹ nə́ goã kɛdɛnan lɛa ǹ yii n guguru, ǹ foo n tã, ǹ nə́ kiin nyɛɛnaandɛnan lɛa. Ǹ min mɛnɛn nimi ǹ tɔrɔn lɛn bii ǹ nə́ boe ziabaa la, bɛn nə́ dɔ min duu fuəwensɔrɔ (26 000).