KZS1 6 - LAWA A BOO SONBORE

Levii tɔrɔ kɔsɔn

¹ Levii a nɛnyaanan man ka kɛn nɛ: Gɛrsɔn nɛ, Keyati ni, ka Merarii ni.

² Gɛrsɔn a nɛnyaanan tɔn man ka kɛn nɛ: Livini laanka Simeyii ni.

³ Keyati a nɛnyaanan man ka kɛn nɛ: Amuramu ni, Isaara nɛ, Ebrɔn nɛ ka Uziili ni.

⁴ Merarii a nɛnyaanan man ka kɛn nɛ: Mayili laanka Musi ni. Digolon mɛnɛn tɔ bɛ́ *Levii tɔrɔn tanlɛn ganaa, ǹ dinin lɛn man ka kɛn nɛ.

⁵ Gɛrsɔn tɔrɔn nə koa kɔn la lɔn di laanka nɛ nɛ, bɛn man ka kɛn nɛ: Livini ni, Yahati ni, Zimaa nɛ,

⁶ Yoa nɛ, Idoo nɛ, Zera laanka Yetrayii ni,

⁷ Keyati dɔ wɔn nə koa kɔn la lɔn, nɛ laanka di ni, bɛn man ka kɛ nɛ: Aminaadaabuu ni, Koree ne, Asiirii ni,

⁸ Ɛlkaana nɛ, Ebiasafu ni, Asiirii ni,

⁹ Tahati ni, Uriyeli ni, Uziya nɛ, ka Sawulu ni.

¹⁰ Ɛlkaana dɔ́ nɛnyaanan yɛ: Amasayi ni, Ayimɔti ni,

¹¹ ka a nɛgiĩ Ɛlkaana nɛ. Ɛlkaana lɛ tɔrɔn man ka Sofayii ni, Nahati ni,

¹² Eliabu ni, Yeroabu ni, ka Ɛlkaana nɛ.

¹³ Samayeli a nɛnyaanan man ka kɛn nɛ: a gɔn binaa nɛ Zowɛli ni, ka a nɛ paabaa ǹ wɔ Abiya nɛ.

¹⁴ Merarii tɔrɔn nə koa kɔn la lɔn, di laanka nɛ nɛ, bɛn man ka kɛn nɛ: Malii ni, Libni ni, Simeyii ni, Uzaa nɛ,

¹⁵ Simaa nɛ, Haguya laanka Asayia nɛ.

¹⁶ Ǹ bɛ́ ǹ nə́ *lɛ kɔ kɔn la ǹ goo kɛ da a koa ǹ bǎã-n lɔn gɔrɔ, Davida loe lɔ sii wɔ Levii tɔrɔn gɔn Dɛnaa Lawa a kion.

¹⁷ Salomɔn laan bɛ̀ a n Zeruzalɛmu a Lawa a kion lɛ doe, bɛ̀ bɛa minin kɛn lɛn man nə ǹ loe lɔ ǹ dí lɛ nyɛɛ kɔn yɛ ka Lawa nɛ ǹ mɔnaa kion kɛ nyɛɛnɛ, á n kɔn pii ka a zɛnaa ǹ gɔn nɛ.

¹⁸ Min mɛnɛn nə goã bɛa dí lɛ nyɛɛ, bɛn man ke, kɔnlɛ ka ǹ nɛn nɛ. Keyati tɔrɔn bii, loe-lɔli Eman kɛ nɛ: Ǹ digolon nə koa kɔn la lɔn, nɛ laanka di ni, á ke: Zowɛli ni, Samayeli ni,

¹⁹ Ɛlkaana nɛ, Yeroamu ni, Eliyeli ni, Toa nɛ,

²⁰ Suufu ni, Ɛlkaana nɛ, Mahati ni, Amasayi ni,

²¹ Ɛlkaana nɛ, Zowɛli ni, Azaria nɛ, Sefania nɛ,

²² Tahati ni, Asiirii ni, Abiazafu ni, Koree ne,

²³ Isaara nɛ, Keyati ni, Levii laanka Izirayeli ni.

²⁴ Bɛ̀ á yoo Eman la, ǹ miã Asaafu ke bɛ̀ a golee a gusin wɔlɔ-a, bɛ nɛ Berekiya nɛ lɛa, Simaa a nɛ lɛa,

²⁵ Mikayeli wɔ lɛa, Baaseya wɔ lɛa, Malkia wɔ lɛa,

²⁶ Etnii wɔ lɛa, Zera wɔ lɛa, Adayaa wɔ lɛa,

²⁷ Etan wɔ lɛa, Zimaa wɔ lɛa, Simeyii wɔ lɛa,

²⁸ Yahati wɔ lɛa, Gɛrsɔn laanka Levii wɔ lɛa.

²⁹ Merarii a tanlɛ minin loe-lɔlin maǹ nə́ goã ǹ miãn gɔsɛ: Etan nɛ Kiisi a nɛ lɛa, Abdii wɔ lɛa, Maluku wɔ lɛa,

³⁰ Hasabia wɔ lɛa, Amasiya wɔ lɛa, Hilkia wɔ lɛa,

³¹ Amusi wɔ lɛa, Banii wɔ lɛa, Semɛɛrɛ wɔ lɛa,

³² Malii wɔ lɛa, Muusi wɔ lɛa, Merari laanka Levii wɔ lɛa.

³³ Dín mɛnɛn tumaa kɔsɔ bɛ́ kɔn yɛ ka Lawa nɛ ǹ mɔnaa kion lɛ wɔ paǹ li, Levii tɔrɔ gialakunun kɛn man nə́ goã bɛn nyɛɛ.

³⁴ Aarɔn laanka a tɔrɔn sɛn man nə́ goã wúlu boe *wúlu màn tã ǹ bǎã la, ka da yon gìĩ kɔɔ̃n tã ǹ bǎã nɛ. Bǎã sonbore sonbore kɛ dɔ a sii tumaa na á goã ǹ dinin gɔn. Ka bɛ dɔ nɛ, maǹ nə́ goã sii baraa sawaa ǹ sii zɛnɛɛ Izirayeli minin wɔ paǹ li, á n kɔnpii ka gɔn waa ǹ boon kɛn tumaa nɛ, Lawa a dí-nyali Muizu nə́ ǹ kɔ.

³⁵ Aarɔn tɔrɔn nə koa kɔn la lɔn, di laanka nɛ nɛ, bɛn man ka kɛn nɛ: Eleyazaara nɛ, Pinaasi ni, Abisuwa nɛ,

³⁶ Bukii ni, Uzi ni, ka Zerayaa nɛ.

³⁷ Merayɔti ni, Amariya nɛ, Ayituubu ni,

³⁸ Sadɔki laanka Ayimaasi ni.

Kiwin mɛnɛn nə dɔ Levii tɔrɔn ganaa

³⁹ Aarɔn tɔrɔn kɛn Keyati a tanlɛ minin lɛa, bɛn nə goã giã-n gána lɛ a bǎãn mɛnɛn nɛ, bɛa bǎãn lɛn man ka kɛn nɛ. Ǹ bɛ́ ǹ nə́ n pã bǎã lɛ a gii ganaa, bǎã lɛ a bibinaa na á dɔ ǹ dinin ganaa.

⁴⁰ Ebrɔn kiwi na á dɔ ǹ ganaa Zudaa gána nɛ, kɔnlɛ ka tɔɔn buu sɔ̃ ǹ bǎãn kɛn nɛ a lɛnpɛnɛ.

⁴¹ Sɛnɛ, kiwi lɛ a wurun ni, ka a kiwi bisinin ni, maǹ nə́ bɛn kɔ Yefunee a nɛgiĩ Kalɛbu la.

^42-45 Maǹ nə́ kiwin kɛn kɔ Aarɔn tɔrɔn la, baa si a duru ǹ kiwin lɛa: Ebrɔn nɛ, Libnaa nɛ, Yatiiri ni, Esitemoa nɛ, Hilen ne, Debiiri ni, Asan nɛ, Bɛti-Semɛsi ni, kɔnlɛ ka ǹ tɔɔn buu sɔ̃ ǹ bǎãn nɛ. Bɛnzamɛn tɔrɔn tán la, maǹ nə́ kiwin kɛn kɔ ǹ la kɔnlɛ ka ǹ tɔɔn buu sɔ̃ ǹ bǎãn nɛ: Gebaa nɛ, Alɛmɛti ni, ka Anaatɔti ni. Ǹ kiwin lɛn kaakun nə fulusɔɔ ǹ tanlɛn lɛn wɔ lɛa.

⁴⁶ Ǹ bɛ́ ǹ nə́ n pã, kiwi fù na á dɔ Keyati tɔrɔ gialakunun kɛn ganaa ǹ tanlɛn yii li. Bɛa kiwin lɛn man nə́ dɔ ǹ ganaa Efrayimu tɔrɔn bǎã nɛ, Dan tɔrɔn nɛ ka Manaasee tɔrɔn talɛɛ a bǎã nɛ.

⁴⁷ Kiwi dadara fùlusɔɔ na á dɔ Gɛrsɔn tɔrɔn ganaa ǹ tanlɛn yii li. Bɛa kiwin lɛn man nə́ dɔ ǹ ganaa Isakaara tɔrɔn bǎã nɛ, Asɛɛrɛ wɔn nɛ, Nɛfutalii ni, Manaasee tɔrɔn mɛnɛn bɛ́ Basan ka bɛn wɔ nɛ.

⁴⁸ Ǹ bɛ́ ǹ nə́ n pã, kiwi dadara fùlupaa na á dɔ Merarii tɔrɔn ganaa ǹ tanlɛ yii li. Bɛa kiwin lɛn man nə́ dɔ ǹ ganaa Urubɛn tɔrɔn bǎã nɛ, Gaadi wɔn nɛ, ka Zabulɔn wɔn nɛ.

⁴⁹ Izirayeli minin man nə́ bɛa kiwi dadaran kɛn lɛn laanka ǹ tɔɔn buu sɔ̃ ǹ bǎãn kɔ Levii tɔrɔn la.

⁵⁰ Kiwin mɛnɛn boo nə n da Zudaa tɔrɔn bǎã nɛ, ka Simiɔn tɔrɔn laanka Bɛnzamɛn tɔrɔn wɔ nɛ, maǹ nə́ goã ǹ nə́ n pã ǹ nə́ tɔ́n bɛn dɔn gii.

⁵¹ Keyati tɔrɔn tanlɛ gialakunun kɛn, bɛn kiwin man nə́ dɔ ǹ ganaa Efrayimu tɔrɔn bǎã nɛ.

⁵² Maǹ nə́ kiwin kɛn kɔ ǹ la, baa si a duru ǹ bǎã lɛa: Sisɛmu kiwi ni, kɔnlɛ ka a tɔɔn buu sɔ̃ ǹ bǎãn kɛn nɛ Efrayimu kele yii ni, Gezɛɛrɛ laanka a tɔɔn buu sɔ̃ ǹ bǎãn nɛ,

⁵³ Yanoamu laanka a tɔɔn buu sɔ̃ ǹ bǎãn nɛ, Bɛti-Ɔrɔn laanka a tɔɔn buu sɔ̃ ǹ bǎãn nɛ,

⁵⁴ Ayalɔn laanka a tɔɔn buu sɔ̃ ǹ bǎãn nɛ, ka Gat-Rimɔn laanka a tɔɔn buu sɔ̃ ǹ bǎãn nɛ.

⁵⁵ Kiwin mɛnɛn nə dɔ ǹ ganaa Manaasee tɔrɔn talɛɛ a bǎã nɛ: Anɛɛrɛ laanka a tɔɔn buu sɔ̃ ǹ bǎãn manɛ, ka Bileyamu laanka a tɔɔn buu sɔ̃ ǹ bǎãn nɛ. Bɛ lɛ tumaa na á goã Keyati tɔrɔn tanlɛ gialakunun lɛn wɔ lɛa.

⁵⁶ Manaasee tɔrɔn talɛɛ a bǎã nɛ, maǹ nə́ kiwin kɛn kɔ Gɛrsɔn tɔrɔn la ǹ tanlɛn yii li: Golan kiwi ke Basan gána nɛ, bɛ laanka a tɔɔn buu sɔ̃ ǹ bǎãn manɛ, ka Asitarɔti laanka a tɔɔn buu sɔ̃ ǹ bǎãn nɛ.

⁵⁷ Maǹ nə́ kiwin kɛn kɔ ǹ la Isakaara tɔrɔn bǎã nɛ: Kedɛsi laanka a tɔɔn buu sɔ̃ ǹ bǎãn manɛ, Daberati laanka a tɔɔn buu sɔ̃ ǹ bǎã manɛ,

⁵⁸ Ramɔti laanka a tóón buu sɔ̃ ǹ bǎãn manɛ, Anaamu laanka a tɔɔn buu sɔ̃ ǹ bǎãn nɛ.

⁵⁹ Maǹ nə́ kiwin kɛn kɔ ǹ la Asɛɛrɛ tɔrɔn bǎã nɛ: Masala laanka a tɔɔn buu sɔ̃ ǹ bǎãn manɛ, Abdɔn laanka a tɔɔn buu sɔ̃ ǹ bǎãn manɛ,

⁶⁰ Ukɔki laanka a tɔɔn buu sɔ̃ ǹ bǎãn manɛ, Rehɔbu laanka a tɔɔn buu sɔ̃ ǹ bǎãn manɛ.

⁶¹ Maǹ nə́ kiwin kɛn kɔ ǹ la Nɛfutalii tɔrɔn bǎã nɛ: Kadɛsi kiwi ke Galilee gána nɛ, bɛ laanka a tɔɔn buu sɔ̃ ǹ bǎãn manɛ, Hamɔn laanka a tɔɔn buu sɔ̃ ǹ bǎãn manɛ, ka Kiriyatayimu laanka a tɔɔn buu sɔ̃ ǹ bǎãn nɛ.

⁶² Merarii tɔrɔn kɛn, Levii tɔrɔ gialakunun lɛa, kiwin kɛn man nə́ dɔ ǹsɛn ganaa Zabulɔn tɔrɔn bǎã nɛ: Rimono laanka a tɔɔn buu sɔ̃ ǹ bǎã nɛ, ka Tabɔɔrɔ laanka a tɔɔn buu sɔ̃ ǹ bǎã nɛ.

⁶³ Zurdɛ̃ tà kio a lɛ̀giala gɔn la, Zerikoo kiwi yɔrɔ-a, man nə́ kiwin kɛn kɔ ǹ la Urubɛn tɔrɔn bǎã nɛ: Besɛɛrɛ kiwi ke diə gole ne, bɛ laanka a tɔɔn buu sɔ̃ ǹ bǎãn manɛ, Yasa laanka a tɔɔn buu sɔ̃ ǹ bǎãn nɛ,

⁶⁴ Kedemɔti laanka tɔɔn buu sɔ̃ ǹ bǎãn nɛ, ka Mefaati laanka a tɔɔn buu sɔ̃ ǹ bǎãn nɛ.

⁶⁵ Maǹ nə́ kiwin kɛn kɔ ǹ la Gaadi tɔrɔn bǎã nɛ: Ramɔti kiwi ke Galaati gána nɛ, bɛ laanka a tɔɔn buu sɔ̃ ǹ bǎãn manɛ, Mahanayimu laanka a tɔɔn buu sɔ̃ ǹ bǎãn nɛ,

⁶⁶ Ɛsibɔn laanka a tɔɔn buu sɔ̃ ǹ bǎãn nɛ, ka Yazɛɛrɛ laanka a tɔɔn buu sɔ̃ ǹ bǎãn nɛ.