KZS1 2 - LAWA A BOO SONBORE

Zudaa tɔrɔn

¹ Zakɔba lɛ, a tɔ dɔ ń Izirayeli, bɛa nɛnyaanan man ka kɛn nɛ: Urubɛn nɛ, Simiɔn nɛ, Levii ni, Zudaa nɛ, Isakaara nɛ, Zabulɔn nɛ,

² Dan nɛ, Zozɛfu ni, Bɛnzamɛn nɛ, Nɛfutalii ni, Gaadi laanka Asɛɛrɛ nɛ.

³ Zudaa a nɛnyaanan man ka Ɛrɛ nɛ, Onan nɛ, ka Selaa nɛ. A na á bɛa nɛ sɔɔ kɛ lɛ tumaa yɛ a lɔ Kanaan nɛ kɛ ganaa, ke Suwaa a nɛlɔ lɛa. Zudaa a nɛgiĩ bibinaa Ɛrɛ lɛ zɛ̀rɛdɛnaa baa Dɛnaa Lawa yɔrɔ-a, á nɔmaa a ná a nyin bɔ.

⁴ Bɛ kio, Zudaa Perɛzi laanka Zeraa yɛ ǹ manaa Tamaara ganaa. Zudaa a nɛnyaanan tumaa a kaa kun nə min sooro.

⁵ Perɛzi a nɛnyaanan man ka Ɛsirɔn laanka Amulu ni.

⁶ Zeraa a nɛnyaanan man ka Zimri ni, Etan nɛ, Eman nɛ, Kalkɔli laanka Dardaa nɛ ǹ kaa kun min sooro.

⁷ Karmii a nɛ n ka Aakan nɛ. Bɛa Aakan lɛ na á toa koe Izirayeli minin yɛ, a giala, bɔ zia la ǹ màn mɛn bɛ́ Lawa wɔ lɛa, asɛ na á nɔmɔ bɛa giala kun ganaa.

⁸ Etan a nɛ n ka Azaria nɛ.

⁹ Ɛsirɔn a nɛ n ka Yerameli ni, ka Ramu laanka Kelubayii ni.

¹⁰ Ramu na á Aminaadaabu yɛ. Aminaadaabu na á Naasɔn yɛ, ke Zudaa tɔrɔn nyɛɛnaandɛnaa lɛa.

¹¹ Naasɔn na á Salmaa yɛ. Salmaa na á Boazi yɛ.

¹² Boazi na á Obɛdi yɛ. Obɛdi dɔ na á Zesee yɛ.

¹³ Zesee a nɛgiĩ n sɔbaa á yɛ. Ǹ koa kɔn la lɔn ǹ nə́ yɛ bɛ á ke: Eliabu na a gɔn binaa lɛa. Bɛ kio n ka Abinaadaabu ni, Sama nɛ,

¹⁴ Netaneyeli ni, Radayii ni,

¹⁵ Osɛmu laanka Davida nɛ.

¹⁶ Ǹ miãnɛnɛn man ka Serruya nɛ, ka Abigaali ni. Serruya a nɛnyaanan man min sɔɔ: Abisayii ni, Zoabu ni, ka Azayeli ni.

¹⁷ Abigaali na á Amasaa yɛ. Amasaa lɛ di n ka Isimayeli tɔrɔ Yetɛɛrɛ kɛ nɛ.

¹⁸ Ɛsirɔn a nɛ Kalɛbu a nɛ n sɔɔ, a lɔ Azubaa laanka a lɔ Yerioti ganaa: Yesɛɛrɛ nɛ, Sobabu ni, ka Ardɔn nɛ.

¹⁹ Azubaa bɛ́ á gã, Kalɛbu na á Efrata saa lɔ lɛa, á Uuru yɛ a ganaa.

²⁰ Uuru na á Uurii yɛ. Uurii dɔ na á Besaleli yɛ.

²¹ Bɛ kio, Makiiri ke Galaati a díi lɛa, Ɛsirɔn wusoo á bɛa nɛlɔ bɔ á saa lɔ lɛa. Ɛsirɔn lɛ dɔ lɛ̀ pɔsɔrɔ dɔn dinin, á tɔ́n bɛa nɛlɔ lɛ saa. A na á Segubu yɛ a ganaa.

²² Segubu na á Yayiiri yɛ. Bɛa Yayiiri lɛ na á kiwi fuəwensɔɔ yɛ Galaati gána nɛ.

²³ Sɛnɛ Gesuurun kii laanka Aramun kii Yayiiri a kiwi bisinin si ǹ nə́ nɔmɔ ǹ ganaa, kɔnlɛ ka Kenaati kiwi laanka a lɛkoro lɛ-a ǹ kiwi bisinin ni. Ǹ kiwi mɛnɛn si ǹ tumaa a kaakun kiwi pɔsɔrɔ. Min mɛnɛn nə goã bɛa kiwin lɛn nɛ, ǹ tumaa n Galaati ǹ di Makiiri tɔrɔ lɛa.

²⁴ Ɛsirɔn a gɛ̀ kio, Kalɛbu-Efrata bǎã nɛ, a lɔ Abiya Asewuuru yɛ a ganaa. Asewuuru lɛ din nə Tekoa a díi lɛa.

²⁵ Ɛsirɔn a nɛgiĩ binaa Zerameyeli nɛgiĩ sooro yɛ: A gɔn binaa nɛgiĩ Ramu ni, bɛ kio n ka Bumaa nɛ, Orɛn nɛ, Osɛmu laanka Ayia nɛ.

²⁶ Zerameyeli lɔ kɔsɔ saa, a tɔ ń Atara. Asɛ n Onamu a náa lɛa.

²⁷ Ramu mɛn nə́ ke Zerameyeli a nɛgiĩ binaa lɛa, bɛa nɛnyaanan man ka Maasi ni, Yamin ni, ka Ekɛɛrɛ nɛ.

²⁸ Onamu a nɛnyaanan man ka Samayii laanka Yada nɛ, Samayii a nɛnyaanan man ka Nadaabu laanka Abisuuru ni.

²⁹ Abisuuru a lɔ tɔ n Abiayili, a na á Aban laanka Moliidi yɛ a ganaa.

³⁰ Nadaabu a nɛnyaanan man ka Selɛdi laanka Apayimu ni. Selɛdi gã a ná a nɛ yɛ wa.

³¹ Apayimu a nɛ n ka Iseyii ni, Iseyii a nɛ n ka Sesan nɛ, Sesan a nɛ n ka Alayi ni.

³² Samayii ǹ dɔɔ̃ngiĩ Yada a nɛnyaanan man ka Yetɛɛrɛ laanka Zonatan nɛ. Yetɛɛrɛ gã a ná a nɛ yɛ wa.

³³ Zonatan a nɛnyaanan man ka Pelɛti laanka Zaza nɛ. Zerameyeli tɔrɔn lɛn man ka bɛn nɛ.

³⁴ Sesan nə nɛginin yɛ wa, yǎa nɛlɔ dininsɔɔ̃nɔn. Sesan lɛ a bɛ̀rɛgiĩ goon goã a tan, Ezipti min ni, a tɔ n Yara.

³⁵ Sesan ná a nɛlɔ kɔ a bɛ̀rɛgiĩ lɛ la lɔ lɛa. Bɛ̀rɛgiĩ lɛ nɛ yɛ a ganaa a tɔ ń Atayii.

³⁶ Atayii na á Natan yɛ Natan na á Zabaadi yɛ.

³⁷ Zabaadi na á Elfala yɛ, Elfala na á Obɛdi yɛ.

³⁸ Obɛdi na á Zewu yɛ. Zewu na á Azaria yɛ.

³⁹ Azaria na á Elɛsi yɛ. Elɛsi na á Elaasaa yɛ.

⁴⁰ Elaasaa na á Sisimayii yɛ. Sisimayii na á Salumu yɛ.

⁴¹ Salumu na á Yekamia yɛ. Yekamia na á Elisama yɛ.

⁴² Zerameyeli ǹ dɔɔ̃ngiĩ Kalɛbu a nɛ n ka Mesaa laanka Maresaa nɛ. Mesaa din na a gɔn binaa lɛa. Ziifu a díi n ka Mesaa lɛ nɛ, Maresaa n Ebrɔn ǹ di lɛa.

⁴³ Ebrɔn a nɛnyaanan man ka Koraa nɛ, Tapuwa nɛ, Rekɛmu ni, ka Seema nɛ.

⁴⁴ Seema na á Rahamu yɛ, Rahamu dɔ na á Zorokoamu yɛ. Rekɛmu na á Samayii yɛ.

⁴⁵ Samayii a nɛ n ka Maahɔ̃ nɛ, Maahɔ̃ na á Bɛti-Suuru yɛ.

⁴⁶ Ɛfaa mɛn nə́ ke Kalɛbu a lɔ kɔsɔ lɛa bɛ na á Aaran yɛ, Mosaa nɛ, ka Gazɛzi ni. Aaran dɔ́ nɛ yɛ á ná a tɔ kɔ mà Gazɛzi.

⁴⁷ Yadayii a nɛnyaanan man ka Ragemu ni, Zoatamu ni, Gezan nɛ, Pelɛti ni, Ɛfaa nɛ, ka Saafu ni.

⁴⁸ Maakaa ke Kalɛbu a lɔ lɛ a kɔsɔ lɛa doo, bɛ na á Sevɛrɛ laanka Tiranaa yɛ.

⁴⁹ Á wusoo doo á Madmanaa ǹ dí Safuu yɛ, ka Makbena laanka Gibea a dii Seba nɛ. Ka bɛ dɔ nɛ, Kalɛbu nɛlɔ goon yɛ a tɔ ń Aksaa.

⁵⁰ Kalɛbu lɛ tɔrɔ kɔsɔn man kɛn nɛ doo. Uuru ke a lɔ Efrata a nɛ bibinaa lɛa, bɛ na á nɛ sɔɔ yɛ: Sobali ni, ke á Kiriyati-Yarimu kiwi koa,

⁵¹ Salmaa nɛ, ke á Bɛtlehɛmu kiwi koa, ka Arɛfu ni, ke á Bɛti-Gedɛɛrɛ kiwi koa.

⁵² Sobali mɛn lɛ Kiriyati-Yarimu kiwi koa, bɛ tɔrɔn man ke: Arowee ne, ka Atsii-Manahati ni.

⁵³ Kiriyati-Yarimu a tanlɛn man ka kɛn nɛ: Itri a tanlɛ nɛ, Puuti a tanlɛ nɛ, Suma a tanlɛ nɛ ka Misi a tanlɛ nɛ. Soraa a tanlɛ minin laanka Esitawɔli a tanlɛ minin man nə́ bɔ bɛa tanlɛn kɛn lɛn nɛ.

⁵⁴ Salmaa tɔrɔn man ka kɛn nɛ: Bɛtlehɛmu minin manɛ, Netofaa wɔn nɛ, Atrɔti-Bɛti-Zoabu wɔn nɛ, ka Atsii-Manahati wɔn nɛ, Soraa minin ni,

⁵⁵ ka Sofra a tanlɛn kɛn minin ni, giã-n Zaabɛsi. Bɛa tanlɛn lɛn man ka Tiraa a tanlɛ nɛ, Simeyati a tanlɛ nɛ, ka Sukaa a tanlɛ nɛ. Bɛa minin kɛn lɛn man Kenii tɔrɔn lɛa. Maǹ nə́ bɔ Amaati ni, ke Rekabu tɔrɔn digolo lɛa.