Korɛnti1 5 - LAWA A BOO SONBORE

Lawa a sɔmɔ min a din bɔ ǹ sii

¹ Ǹ tá pii, mà din kũ doɛ̃baã sii-zɛnaali tá ka bii. Haalɛ min kooron dinin ba lɛ koe ǹ bɛ miã zɛnaa wa. Maǹ pii mà min goon tá ka bii, á n kun ka ǹ di a lɔ nɛ!

² Ka n tɔn piɛ̃-n ka din-koa nɛ! A n kɔnboe ka pã ka foo-ziziɛ̃ nɛ. Min mɛn bɛ́ á sii kɛ lɛ zɛnaa, bɛ̀ ka doamaa nɛ ka bɛ loo ka bɔ ka bii.

³ Masɛ wɔ paǹ li, a laan ma ba ka li wa, ma yiri tá kun ka nɛ. Bɛ̀ man ka li, sii mɛn bɛ́ kɔnboe a n zɛnaa bɛa sii kɛ lɛ miã a zɛnaali ni, ma yiri bɛ yɛ gɔrɔ.

⁴ Ka n lɛ sɔkɔn ka Dɛnaa Yezu pàã nɛ, ma yiri bɛ́ re goɛ̃ kun ka nɛ, ka Dɛnaa Yezu *Krita tɔ nɛ,

⁵ ka bɛa dɛnaa kɛ lɛ kɔ *Sɛtaan la, a na a gɔ̀nɔn siĩ ziziɛ̃, ń giɛ a telenboen tá kirisibiɛ Dɛnaa a lɛawaa pinaa.

⁶ Kaa din-koa kɛ lɛ a siĩn wa! Ka tumaa suusu kɛ ma mà yɔ bù boɛɛn nə toɛ buuru yia tumaa yoo.

⁷ Ka bɛa sii baraa zɛnaa ǹ yɔ bù zizi kɛ bɔ ka bɔ ka bii, ń giɛ ka á *yoreen koe. Buuru yia mɛn bɛ́ yɔ bù ná a ba li wa, á n buuru yia dii lɛa, ka goã bɛ lɛa. A taãnbaa li, ka n bɛ lɛ din lɛa gɔrɔ. Wɔa *kiɛ̃mala ǹ zɔ́n nə́ n giala kɔ, a giala, maǹ nə́ wúlu bɔ ka Krita nɛ, wɔa kiɛ̃mala ǹ zɔ́n sère nɛ lɛa.

⁸ Ka daa wɔ zɔ́n lɛ zɛnaa ka buuru ni, ǹ mɛn bɛ́ yɔ bù ná a ba li wa, wɔ nyan zɛnaa ka yɔ bù zizi-n li wa. Bɛ giala mà wɔ n kɔnboe, wɔ sii baraa laanka din kũ doɛ̃baã siin kɛn kaa, wɔ goã yoreenbaa laanka sonbore gɔ́ɔ̃ nɛ.

⁹ Má sɛ́wɔ mɛn dia ka la lɛlɛ, má pɛ ka nɛ bɛ nɛ, máa ka nyan kaa sii kɔ́n kaa kun ka din kũ doɛ̃baã wolen ne wa.

¹⁰ Ma bie má maa taasiɛ yɔrɔ dia kanaa kɛ a din kũ doɛ̃baã wolen tumaa la, hinlaa a yii bɔ kɔn gɔn màn li wolen laanka a wurumunun ni, ka a dì wúlu-bɔlen ne wa. Bɛ̀ ká taasɛ miɛ̃, yǎa ka dinin nə soe ka n boe kanaa kɛ nɛ! Ma pɛ miɛ̃ wa.

¹¹ Man máa min mɛn tumaa bɛ́ ka Lawa nyankɔ ǹ tɔ ná a ganaa, a n din kũ doɛ̃baã wole lɛa, a n yii bɔ miã gɔn màn li wole lɛa, a n dì wúlu-bɔle lɛa, a n minin tɔ-ziziɛ̃li lɛa, a n yɔ-mili baraa lɛa, á n wurumu lɛa, ka nyan kaa sii kɔ́n kaa kun ka bɛn nɛ wa. Ka a kɔnboe, ka màn din bii kun ka bɛ miã min kɛ-n wa.

^12-13 Taãn nɛ, min mɛnɛn bɛ́ ǹ ba Lawa-nyankɔlen lɛa wa, masɛ bie bɛn kiri kuri wa; Lawa din tá re ǹ kiri kuri. Sɛnɛ, min mɛnɛn bɛ́ kaa lɛ kaa-kun ni, ka a kɔnboe ka bɛn kiri kuru wa? Ka sɛ́wɔ bɛ́ pii lɔn: «Ka min baraa loo ka bɔ ka bii.»