Izayii 4 - LAWA A BOO SONBORE

¹ Bɛa pinaa kɛ nɛ, lɔ sɔbaa n die n parɛɛ giĩ goon ganaa, ǹ pɛ nɛ: «Wɔ saa lɔ lɛa, wɔ dinin tá re n toɛ̃ wɔa màn-bii laanka wɔa wɔ ǹ mɔnaa sii ni, laa n wɔa sìi kɛ saa n bɔ wɔ la.»

Zeruzalɛmu á re kirisibiɛ

² Bɛa pinaa lɛ nɛ, Dɛnaa Lawa a da ten kɛ n die siĩn koe parsiini. Min mɛnɛn bɛ́ re goɛ̃ ǹ yii n koo Zeruzalɛmu, gána lɛ a da nɛn tá re foo kɔɔ̃n laanka gugurubaa koe bɛn la.

³ Bɛ kio, min mɛn tumaa bɛ́ re goɛ̃ Zeruzalɛmu, yiikoonaan lɛa *Siɔn kiwi, ǹ tá re bɛn bíi mà "Dɛnaa Lawa wɔn". Dɛnaa Lawa min mɛnɛn tɔ kiɛ̃ sɛ́wɔ nɛ, màn mɛn bɛ́ toɛ ǹ yii goã koo, bɛn man ka kɛn nɛ Zeruzalɛmu.

⁴ Yiri mɛn bɛ peperebaa ka yoreenbaa koe, Dɛnaa á re Siɔn lɔn *gɔ̀ pii ka bɛ nɛ bibinaa nɛ. Á re Zeruzalɛmu yoreen koe mà kɛa lɛa á kaa a kiwi.

⁵ Bɛa waáraa, Siɔn kele la, ka zaman mɛn tumaa bɛ́ soe-n kɔn, á re labara boe penleen, a tɛmaa laanka tɛ buə̃ bɔ tèlò-n. Dɛnaa Lawa a gugurubaa n die n koe ǹ tumaa lɛ ka zìã gole bɛ́ lɔn,

⁶ ka siã bɛ́ lɔn, wúlu koe penleen sɛ̀fuu biikoo li. A n die mìi duru ǹ bǎã biɛ piɛ̃ gole nyɛɛnɛ ka la nɛ.