Ɛsidrasi 10 - LAWA A BOO SONBORE

Ɛsidrasi sii mɛn bɔyaa

¹ Ɛsidrasi bɛ́ kuməə-n tán Lawa a kion lɛ yɔrɔ-a, Lawa nyankoe a sii baraan pii ka wuu ni, Izirayeli min gigiã nə́ n sɔkɔn a li, giĩn ni, lɔn nɛ, ka nɛnyaanan nɛ. Zaman lɛ goã wuu pii taãn-taãnɛ.

² Yeyieli a nɛgiĩ Sekania ke, Elamu tɔrɔ goon lɛa, bɛ́ tɔ́n pɛ Ɛsidrasi ni kɛnɛn: «Wɔsɛn nə n baa bɔlɔgoondɛnan lɛa, wɔa Lawa lɛ-n wa. A giala, tɔrɔ kɔsɔn mɛnɛn bɛ́ gána lɛ nɛ, wɔsɛn nə́ bɛn nɛlɔn wɔ wɔa lɔn lɛa. Sɛnɛ, bɛ wɔ paǹ li, foo-doa tá tɔn a tan Izirayeli wɔ lɛa.

³ Ka da kanna, wɔ lɛ-kɔ wɔ wɔa Lawa lɛ nɛ, màn mɛn bɛ́ toɛ, lɔn mɛnɛn bɛ́ tɔrɔ kɔsɔ minin lɛa, wɔ bɛn loo kɔnlɛ ka ǹ nɛnyaanan nɛ, a kɔnpɛ ka maa dɛnaagiĩ Ɛsidrasi a doree ne, ka minin kɛn wɔ nɛ nyɛ́ɛbiɛ Lawa a gɔn waa ǹ boon manɛ. A die a n zɛnaa, a kɔnpɛ ka dí-pɛn sɛ́wɔ kɛ a boo ne.

⁴ Ɛsidrasi, yoo. A giala, sii kɛ lɛ nə n din gɔn, wɔsɛn tá re goɛ̃ n kio. N wen waa n sii zɛnaa.»

⁵ Ɛsidrasi tɔ́n yoo, á Lawa a wúlu-bɔlen nyɛɛnaandɛnan kaa liɛ ganaa, ka *Levii tɔrɔn nyɛɛnaandɛnan laanka Izirayeli kuturu wɔn nɛ, mà ǹ tá re sii lɛ zɛnɛɛ ka a bɛ́ á n da lɔn. Ǹ nə́ tɔ́n bɛa liɛ lɛ wɔ.

⁶ Bɛ kio, Ɛsidrasi kiɛ̃ á n bɔ Dɛnaa Lawa a kion lɛ yɔrɔ-a, á woo wɔ Eliasibu a nɛgiĩ Zoanan a kion. A bɛ́ á wɔ kion lɛ nɛ, a màn bii wa, a mu mi wa, a giala, bɔ bɛ̀rɛbaa ǹ bǎã-n wolen lɛn sãn taman yii, a foo na á goã ziziɛ̃ nɛ ka gɛ̀ na á gã la.

⁷ Ǹ nə́ lɛ dia Zudaa laanka Zeruzalɛmu kiwi, mà goa wolen lɛn tumaa nə n sɔkɔn Zeruzalɛmu.

⁸ A kɔnpɛ ka nyɛɛnaandɛnan laanka min golen boo ne, kànaa ka lɛawaa sɔɔ, min mɛn bɛ́ a re die wa, ǹ dɛnaa a mànan tumaa nə n sii la, ǹ dɛnaa dinmaa nə n na, wɔ bɔ goa wole zaman lɛ ganaa.

⁹ Zudaa a giĩn laanka Bɛnzamɛn tɔrɔn giĩn nə́ tɔ́n nə n sɔkɔn Zeruzalɛmu, lɛawaa sɔɔ lɛ gɔ́ɔ̃ nɛ. Bɛ na á kɔnpɛ ka lɛ̀ a mui manangɔrɔbaa ǹ wɔ a lɛawaa fuəbaa ǹ wɔ pinaa nɛ. Zaman lɛ tumaa goã Lawa a kion lɛ lɛ-a, ǹ gɔ̀nɔn nə́ bìn diɛ sii lɛ gɔn, ka la kɛ dɔ nɛ, á goã kiɛ.

¹⁰ Lawa a wúlu-bɔle Ɛsidrasi lɛ yoo á pɛ ǹ nɛ: «Ka goã bɔlɔgoondɛnan lɛa wa. Tɔrɔ kɔsɔn wɔ lɔ lɛa kɛ na á wusoo á màn da Izirayeli minin zɛ̀rɛ li.

¹¹ Sisia, ka n zɛ̀rɛ si, ka digolon Lawa, Dɛnaa Lawa lɛ la, ka a foo sii zɛnaa. Ka n na ka n bɔ gána lɛ a minin lɛn ganaa, ka tɔrɔ kɔsɔn kɛn nɛ, kaa lɔn lɛa.»

¹² Zaman lɛ tumaa ná a lɛ si ka lɛn gole ne kɛnɛn: «Taãn nɛ. A n wɔsɛn bɔlɔ-a, wɔ sii lɛ zɛnaa a kɔnpɛ ka n boo lɛ nɛ.

¹³ Sɛnɛ, zaman lɛ á mɔnaa nɛ, la gòã li dɔ nɛ, wɔa giɛ̃ kanaa doɛ̃ wa. Ka bɛ dɔ nɛ, lɛawaa goon hinlaa lɛawaa paa sii bie wa, a giala wɔsɛn tá mɔnaa nɛ, wɔ́ sã bɛa sii lɛ gɔ́ɔ̃ nɛ.

¹⁴ Wɔ nyɛɛnaandɛnan lɛn nə golee kànaa kəni, ka zaman lɛ din tumaa tɔ nɛ. Min mɛnɛn tumaa bɛ́ wɔa kiwin ni, ǹ nə́ tɔrɔ kɔsɔn goa lɔn lɛa, biikoon mɛnɛn bɛ́ re n koɛ, ǹ dɛnan die ǹ da bɛn gɔ́ɔ̃ nɛ, kun ka kiwi gogoonmaa a min golen laanka sii yɔrɔ-bɔlen ne, yǎa wɔa Lawa a foo-yoo gole kɛ nə n boe wɔ kio, sii kɛ lɛ wɔ paǹ li.»

¹⁵ Sɛnɛ, Azayeli a nɛgiĩ Zonaatan laanka Tikoa a nɛgiĩ zazeya yɔ bɔ bɛa boo lɛ-a. Mesulaamu dɔ laanka Levii tɔrɔ Sabtayii nə́ n dɔ ǹ lɛ.

¹⁶ Sɛnɛ, goawolen lɛn nə́ sii lɛ zɛnaa, ka a goã á n da lɔn. Ǹ nə́ Lawa a wúlu-bɔle Ɛsidrasi yii gɔgɔɔ̃, ǹ nə́ kɛdɛnan dɔn yii gɔgɔɔ̃ á kɔnpɛ ka ǹ dikionən ne, ǹ nə́ ǹ tɔn goa. Lɛ̀ a mui fùbaa ǹ wɔ a giala kɔ pinaa, ǹ nə́ kaa tán ǹ nə́ boo lɛ da.

¹⁷ Lɛ̀ a mui bibinaa a giala kɔ pinaa, giĩn mɛnɛn tumaa goã ǹ nə́ tɔrɔ kɔsɔn goa lɔn lɛa, ǹ nə́ nya ka bɛn sii lɛ a yɔrɔ bɔ nɛ.

Giĩn mɛnɛn nə tɔrɔ kɔsɔn goa lɔn lɛa

¹⁸ Lawa a wúlu-bɔlen bii, ǹ min mɛnɛn yɛ, ǹ nə́ tɔrɔ kɔsɔn wɔ lɔn lɛa, bɛn tɔn nə́ ke: Zozadaaki a nɛgiĩ Zozoe a nɛgiĩn manɛ, ka ǹ dɔɔ̃nɔn nɛ, Maaseya nɛ, Eliezɛɛrɛ nɛ, Yaribu ni, ka Gedalia nɛ.

¹⁹ Ǹ nə́ lɛ kɔ, mà ǹsɛn tá ǹ gɔn boe ǹ lɔn lɛn ganaa, ǹsɛn nə sère gɔ̀lɔ̀ bɔ ǹ zɛ̀rɛ lɛ a sawaa ǹ wúlu màn lɛa.

²⁰ Imɛɛrɛ a tanlɛ minin: Anaanii laanka Zebadia nɛ.

²¹ Harimu a tanlɛ minin: Maaseyaa nɛ, Eliyaa nɛ, Semayia nɛ, Yeyeili ni, ka Uziyaa nɛ.

²² Pasewuru a tanlɛ minin: Elionayii ni, Maaseyaa nɛ, Yisimayeli ni, Netaneli ni, Zozabaadi ni, ka Elɛazaa nɛ.

²³ Levii a tanlɛ minin: Zozabaadi ni, Simei ni, Kelaza kɛ nɛ, ǹ nə́ bíi dɔn Kelita, Petayaa nɛ, Yewudaa nɛ, ka Eliezɛɛrɛ nɛ.

²⁴ LOE-lɔlin bii: Eliabu ni. Kiɛnlɛ-lɛduə̃lin bii: Salumu ni, Telɛmu ni, ka Uri ni.

²⁵ Izirayeli min gialakunun kɛn dɔn: Parɔsi a tanlɛ minin: Ramiã nɛ, Yiziyaa nɛ, Malkiyaa nɛ, Miyamɛn nɛ, Eleyazaara nɛ, Malkiya nɛ, ka Benaya nɛ.

²⁶ Elamu a tanlɛ minin: Matania nɛ, Zekaria nɛ, Yeyeili ni, Yeremɔti ni, ka Elia nɛ.

²⁷ Zaatu a tanlɛ minin: Elionayii ni, Eliasibu ni, Matania nɛ, Yeremɔti ni, Zabaadi ni, ka Aziza nɛ.

²⁸ Bebayii a tanlɛ minin: Zoanan nɛ, Hanania nɛ, Zabayii ni, ka Atilayii ni.

²⁹ Banii a tanlɛ minin: Mesulaamu ni, Maluku ni, Adayaa nɛ, Zasubu ni, Seyala nɛ, ka Yeramɔti ni.

³⁰ Paati-Moabu a tanlɛ minin: Adnaa nɛ, Kelaala nɛ, Benaya nɛ, Maaseya nɛ, Matania nɛ, Besaleli ni, Binuyii ni, ka Manaasee ne.

³¹ Harimu a tanlɛ minin: Eliezɛɛrɛ nɛ, Yisiya nɛ, Malkiya nɛ, Semayia nɛ, Simiɔn nɛ,

³² Bɛnzamɛn nɛ, Maluku ni, ka Semaria nɛ.

³³ Hasumu a tanlɛ minin: Matenayii ni, Mataataa nɛ, Zabaadi ni, Elifelɛti ni, Yeremayii ni, Manaasee ne, ka Simei ni.

³⁴ Banii a tanlɛ minin: Maadayii ni, Amuramu ni, Uyeli ni,

³⁵ Benania nɛ, Bedia nɛ, Keluyii ni,

³⁶ Wania nɛ, Meremɔti ni, Eliasibu ni,

³⁷ Matania nɛ, Matenayii ni, Yaazayii ni,

³⁸ Banii ni, Binuyii ni, Simei ni,

³⁹ Selemia nɛ, Naatan nɛ, Adayaa nɛ,

⁴⁰ Maakinadebayii ni, Sasayii ni, Sarayii ni,

⁴¹ Azareli ni, Selemiawu ni, Semaria nɛ,

⁴² Salumu ni, Amariya nɛ, ka Zozɛfu ni.

⁴³ Neboo a tanlɛ minin: Yeyeili ni, Matitia nɛ, Zabaadi ni, Zebinaa nɛ, Zadayii ni, Zowɛli ni, ka Benaya nɛ.

⁴⁴ Bɛa minin kɛn lɛn tumaa na á goã ǹ nə́ tɔrɔ kɔsɔn wɔ lɔn lɛa. Ǹ gialakunun dinin nə́ nɛnyaanan yɛ bɛa lɔn kɛn lɛn ganaa.