1 Korintos 13 - Saaho Cusub Cahde

Kaxani arax

¹ Xiyaw kee malaykutti afah waanisha hanuk, kaxano aalle wayemko, karrawraw-yarhxe naxas balih, hido tsallawlaw-yarhxe dawan balih akke.

² Nabii balih waanisho muttuxuwa eellemih, umbuka mashthir kinam kee irhga eerhegemih, koomam yazgeeceze imaan eelleh, kaxano aalle wayemko, anu foyya kiyo.

³ Inkoh liyom oxoyemih, inni nabse xararo oxoyemih, kaxano aalle wayemko, walaa inkim yi mitamfice.

⁴ Kaxani sabre kee mecaani kinni, kaxani mashshiina, mifalita; miyamnanabbe

⁵ hido adabe-male maki. Kaxani inneh miyarhxe, dheh mikurra, hido nacabo miraacisha.

⁶ Kaxani xaqqelle xedena kibah umaani mikixina.

⁷ Kaxani ummannim cura, ummannim yaamine, ummanimih niya abita, ummanimille yasbire.

⁸ Kaxani caduruh mibakita. Nabii balih waanishaanam yekkemko inkoh tillabto kinni; barhsime afofuh waanishaanam yakkeedo, daw-tarhxo kinni, irhga yakkeedo, tillabto kinni.

⁹ Tamaa naarhigem kee nabii balih waanishnam abrha kinni,

¹⁰ tamaa naqhuse hinam tamiite gedda laakin, amaa naqhuse lem tillabto kinni.

¹¹ Anu cindhooka kiyuk, cindhooka balih waanishak ine, cindhooka balih axeesebiyuk ine, cindhooka balih esserimak ine. Labhatto ekke gedda, irriinan xabe.

¹² Kado magannaxitille dibishbishih abluk nane, sarrah laakin nif kee nifih nablo kino. Kado aarhigem abrha kinni, sarrah laakin anu inkoh akah imidhdhigeh aniyookah inkoh aarhago kiyo.

¹³ Amaydo kado, imaan, cag kee kaxano adoxuk raacan, umman tenko nabati laakin kaxano kinni.