Psalm Late 98 - Syin Chin Bible

Simlei A uk Pathian

¹ Topa tungah la thak khat sa vun; ama in nalamdangte vawt zo hi! ama ii neisa vaangletna le a thiangtho thahatna taw ama in zawna nga zo hi.

² Topa in a zawna thu thangsak hi; ama ngupna vaangletna sia minamte in hesak hi.

³ Ama in Israel te tungah a kamciam sia thumaanna le itna kip taw kholet hi. Mun theampo ah a om mihingte in ih Pathian ii zawna mu zo uh hi.

⁴ leitung theampo awng, Topa tungah lungdamna lasa vun; late le lungdam aunate taw ama pok vun!

⁵ Topa tungah pokna late sa vun! tengtonghte taw music tum vun!

⁶ Lemle le sakii te tum vun a, Topa, ih kumpipa tungah lungdam in au vun.

⁷ Tuipi awng, na sungah nuntakna nei teng taw hawk vun; leitung awng, na tungah a teang theampo taw lasa vun!

⁸ Ngunte awng, khutbeang vun; no mualte awng, Topa mai ah lungdamna taw lasa khawm vun,

⁹ banghang ziam cile ama in leitung uk tu in hong pai hi. Ama in leitung mite sia thumaanna taw a pha in uk tu hi.