Psalm Late 93 - Syin Chin Bible

Pathian in Kumpipa hi

¹ Topa in kumpipa hi. Ama in uk zawkna le thahatna sia puan bangin silh hi. Leitung sia a omna munah kho takin kiphut a, kikhiin thei ngawl hi.

² Topa awng, na kumpi tokhum sia a kipat pan ma khotop a, hun kipat ma in nangma na omkhol zo hi.

³ Topa awng, tuipi thukte in a aw uh ngingsak hi; tuate in a aw uh khanin hawk uh hi.

⁴ Topa in vantung ah a lianbel in maang hi, tuipi liante hawkna sangin lianzaw a, tuipi ii tuihualte sangin thahatzaw hi.

⁵ Topa awng, na thukhamte a tawntungin kho a, a tawntung a tawntungin na Biakinnpi sia thiangtho takpi hi.