Psalm Late 87 - Syin Chin Bible

Jerusalem Khua Pokna

¹ Mual thiangtho tungah Topa in ama ii khuapi saat hi;

² Ama in Israel ngam sung mun dang theampo sangin Jerusalem khuapi it zaw hi.

³ Pathian khuapi awng, nang huvau a lamdang ama ii sonte ngai in:

⁴ “Kei thu hong ni minam tuatuamte tepteena lai ka vawt ciangin Egypt le Babylon ka hel tu hi; Philistia, Tyre le Ethiopia te sia Jerusalem ah a teangte tepteena lai sungah ka khum tu hi,” ci hi.

⁵ Zion taw kisai in, hi minam theampo sia ama ii neisa hi a, Vaanglianbelpa in ama sia a tha khosak tu hi, kici tu hi.

⁶ Topa in mihing phaza tepteena lai vawt tu a, tua mite theampo sia Jerusalem khua mite suaksak tu hi.

⁷ Amate laam in lasa uh a, “Thupha ka saan uh theampo ii naak sia Zion ah om hi” ci uh hi.