Psalm Late 8 - Syin Chin Bible

Pathian ii Minthanna le Mihing ii Thupina

¹ Topa kote ii Topa awng, na letna sia leitung theampo ah kimu hi! Hong kipokna vantungte dong theng to hi;

² patangte le nausente in tua lasa uh hi. Na ngalte ii bangma hong law thei ngawl natu in, a kip a kho in na om hi. Nang hong langpan peuma na khaam hi.

³ Na vawt sa vantung le a omna mun tek ah na koi, tha le aksite ka et ciang —

⁴ mihingte sia bang hi a, banghang phawk ni ziam; a thithei mihingte po bangbangin thinbot ni ziam?

⁵ Nangma bekma sangin a niam zawhiat in na vawt a, minthanna le patoaina na pia hi.

⁶ Na vawt sa na theampo uk tu in na sep hi; bitphua sa theampo ii tungah na koi hi:

⁷ tuute, khuite, ngamsate;

⁸ vacimte le ngasate, tuipi nganhing namcinte zongh na uksak hi.

⁹ Topa, kote ii Topa awng, leitung theampo ah na letna kimu hi!