Psalm Late 70 - Syin Chin Bible

Hu natu Thungetna

¹ Pathian awng, hong hun ta'n! Topa awng, tu ma in kei hong hu ta'n!

² Kei hong thasawmte in lelna le thinbuaina thuak tahen. Kei ngim nganate hu in, a lungdamte in nungkin kik tahen a, maimawl tahen.

³ Kei hong selnote in a lelna hu in thinkiam tahen.

⁴ Nang hong zuan theampo lungdam in thinnuam tahen. Nangma ii nong ngupna hu a, lungdam a ko thei theampo in, “Pathian bangza in lian ziam!” ci tawntung tahen.

⁵ Ka tha zawmin zawngkhal khi hi; ka kungah manlangin hong pai ta'n, Pathian awng. Nangma in kei hong ngumpa le ka Topa na hi a — kei hong hu memeang ta'n!