Psalm Late 67 - Syin Chin Bible

Lungdamkona La

¹ Pathian awng, kote hong hesuak ta'n a, thupha hong pia ta'n; cikna taw kote hong en ta'n,

² tua hile leitung bup in na deina he thei tu hi; minam tuatuamte in na ngupna he thei tu hi.

³ Pathian awng, mihingte in nang hong pok tahen; mihing theampo in nang hong pok tahen!

⁴ Minam tuatuamte lungdam in lawpna taw lasa hen, banghang ziam cile thukhaikim in mihingte tungah thu na khen hi; tuaciang leitung minam theampo lam na lak hi.

⁵ Pathian awng, mihingte in nang hong pok tahen; mihing theampo in nang hong pok tahen!

⁶ Leitang in lo ante piangsak zo hi; Pathian, eite Pathian in thupha hong pia zo hi.

⁷ Pathian in eite thupha hong pia zo hi; mun theampo ah om mihingte in ama upat thei tahen.