Psalm Late 64 - Syin Chin Bible

Kidal natu Thungetna

¹ Ngim nga khi hi, Pathian awng, ka thungetna hong ngai ta'n! Ka ngalte kiita khi hi, ka nuntakna hong hun ta'n!

² Mihing seksolte le mi ngilo honte ii hong thasawmna panin hong dal ta'n.

³ Amate in a leei uh namsau bangin taat hiam uh a, tuaciang kamsia pau tu in thaltang kap tu bangin eal uh hi.

⁴ Amate in zummawk leilot thute manlang takin kizelsak hi; amate in mihing phate lauthauh vai taw sonsia in lalsak uh hi.

⁵ Amate in khat le khat sia ngual sawmku tu in kihanthawn uh hi; a thaangsia na mun tu kikum in, “Kuama in amate mu thei buan te” ci uh hi.

⁶ Amate in a sia tupnate ngeal kholin, “A cingtaak khialna lian ngeal zo hing” ci uh hi. Mihingte thinsung le lungsung sia telhak thu hi.

⁷ Ahihang Pathian in a thaltangte taw amate kap a, thakhat thu in liam uh hi.

⁸ Ama in tua kammalte hu in amate susia tu hi; amate a mu theampo in a lu pei san tu uh hi.

⁹ Amate theampo lau tu uh hi; Amate in Pathian sep sa nate ngaisun tu uh a, tuaciang ama ii sepnate sawson tu uh hi.

¹⁰ Thutang mihing theampo in Topa sepnate hangin lungdam tu uh hi. Amate in ama sungah ngammuang tu uh hi; mipha theampo in ama pok tu uh hi.