Psalm Late 6 - Syin Chin Bible

Ngimna Hun sung Hu natu Thungetna

¹ Topa awng, thin uuk in hong teih heak in a; thin uuk in daan hong pia heak in!

² Ka tha zawm vangeu zo hi, Aw Topa ; hong hesuak ta'n! tha hatna hong pia ta'n, zawmcip zo khi hi,

³ ka pumpi bup ngim lawlawm hi. Topa awng, nong hu tu bang tanvei haisaang lai tu ziam?

⁴ Hong pai ta'n a, hong hun ta'n Topa awng; nong hesuakna taw thina pan hong suatak ta'n.

⁵ Mithi khua ah nang hong kiphawk ngawl hi; tua munah nang kuama in hong pok thei ngawl hi.

⁶ Khuangaina taw ka zawmcip hi; zan simin ka kakaana in, ka lupna kawtcip hi; Ka lukham, thitui in tuamh hi.

⁷ Khua ka mu thei tak bua hi; ka ngalte vawtna in ka kakaana in ka mit bol hi.

⁸ No a ngilo te kei kung pan kiheam vun! Ka Topa in ka kaana hong za hi;

⁹ hu ngenin ka kaana ama in hong ngai a, ka thungetna hong zo tu hi.

¹⁰ Ka ngalte in ngallel maizumna he tu hi; thakhat thu hi biaibuai in amate kinotkeak tu hi.