Psalm Late 47 - Syin Chin Bible

A Lianbel Ukpa

¹ Lungdamin na khut uh beang vun, mihing theampo awng! A nging lasaknate taw Pathian pok vun!

² Topa a Saangbel Pa sia kiitak tu ahi hi; Ama in leitung theampo a uk kumpilian pa ahi hi.

³ Ama in mihingte tungah zawna ei hong pia hi; minamte hong uksak hi.

⁴ Hong it ama mihingte ii kiphatsakpui tu neisa ahi ih teenna leitang sia ama in hong tealsak hi.

⁵ Pathian in ama ii kumpi tokhum zuan to hi. Topa a pai to laitak lungdamna taw auna le lemle awte nging hi.

⁶ Pathian tungah pokna lasa vun; ih kumpipa tungah pokna lasa vun!

⁷ Pathian in leitung theampo ii kumpipa ahi hi; lasaknate taw ama pok vun.

⁸ Pathian in ama ii kumpi tokhum thiangtho tungah to hi; ama in minamte uk hi.

⁹ Minam tuatuam a ukte in Abraham ii Pathian ii mite taw hong kikhawm uh hi. Ngalkap hon theampo sangin ama thahat zaw hi; a lianbel in ama maang hi.