Psalm Late 43 - Syin Chin Bible

Ngamdang ah Saltaang khat ii Thungetna

¹ Pathian awng, ka maw ngawlna sonlaak in a, Pathianzia bang ahi ngawlte taw thu ka kineina uh pan hong hung ta'n. a leilot, a ngilo mihingte kung pan hong hunkhia ta'n.

² Nang sia kei hong dalpa na hi hi; banghangin hong nusia ni ziam? Ka ngalte ii tatsiatna banghang thuak tan lai tu khi ziam?

³ Na khuavak le na thumaan thutak hong puak ta'n; tuate in na mual thiangtho Zion ah hong lampui tahen a, na teenna na Biakinnpi ah hong then kik tahen.

⁴ Tuasia ciang na biaknatau ah kong pai tu hi, Pathian awng; nangma in ka lungdamna ii a naak na hi hi. Ka tengtongh ka tum tu a, pokna la kong sak tu hi, Pathian, ka Pathian awng.

⁵ Banghangin tuaza in khuangai khi ziam? Banghangin tuaza in ngim nga khi ziam? Ka lametna sia Pathian sungah ka koi tu a, ka hunpa ka Pathian khatvei ma ka pok kik tu hi.