Psalm Late 4 - Syin Chin Bible

Hu natu Nitak Thungetna

¹ Thu kong nget ciang hong zo ta'n, Pathian, kei hong hungpa awng! Ngimna sungah ka om ciangin nong hu hi. Hong dik ta'n a, tu in ka thungetna hong za ta'n.

² No mihingte in bang tanvei kei hong zawnsak vawt tu nu ziam? Luithawthong khat sia bang tanvei dei in thumaan ahi ngawl khat bang tanvei del tu nu ziam?

³ Topa in a thutangte ama atu in tealtuamin ka biapui ciang hong zaak hunlam phawk tavun.

⁴ Kiitakna taw liingin mawna vawt nawn heak vun; na lupnate tungah thim dide in na lup uh ciang, hi thu a thukin ngaisun vun.

⁵ A maan sangaw biakpiaknate Topa tungah pia vun, na muanna uh ama tungah koi vun.

⁶ Mihing tam mamate in “Topa awng, thupha tamzaw hong pia ta'n a, kote maipha hong pia ta'n” ci in thungen uh hi.

⁷ Amate ii an le sapittui a neisa theampo tungtawn a, a lungdam na sangin lungdamna a lianzaw ka thinsung ah nong pia zo hi.

⁸ Ka lupsuk ciangin thinnuam in ka mu hi, Aw Topa awng, nangma bek in bit takin nong keamcing hi.