Psalm Late 149 - Syin Chin Bible

Pokna La

¹ Topa pok vun! Topa tungah la thak khat sa vun; a thumaan a mite kikhopna sungah ama pok vun!

² Israel te awng, nang hong Bitphuapa hangin lungdam vun; Zion mite awng, na kumpipa hangin lawp vun.

³ Ama min sia lapna taw pok vun; ama pokna in khuang le tengtonghte tum vun.

⁴ Topa in a mite tungtaang ah thinnopna nei hi; ama in a kiniamkhiak te zawna taw patoai hi.

⁵ Pathian ii mihingte in zawna mualsuana tungah lawp in zankhuateak lungdam takin late sa tek tahen.

⁶ Pathian a pok ciang nasia takin au tahen,

⁷ minam dangte zaw natu le, a mihingte daan piak natu;

⁸ a kumpipate thikkhau a khii natu, a lampuite uh thikkol a bul natu le,

⁹ Pathian thupiak bangin minam dangte daan a piak natu in a khut sungah namsau hiamte toai kawm tahen. Hisia in Pathian mite ii zawna ahi hi. Topa pok vun!