Psalm Late 14 - Syin Chin Bible

Mihingte Seksol Khansiatna

¹ Mihing mawmawte in, “Pathian om bo!” ci uh hi. Amate theampo siatna khaatna taw kidim siat a, a cizathuai nate seam zo uh hi; a maan a seam kuama a om bua hi.

² Mihing khat po a ciim a om ziam, ama a bia khat po a om ziam ci in, Topa in vantung panin mihingte ensuk hi.

³ Ahihang amate lampial siat zo uh hi; amate a kibangin sia siat hi. A maan a ngamta khat zongh om ngawl, khat beak zongh om ngawl hi.

⁴ “Ama te in he ngawl ziam?” Topa in dongh hi. “Hi a tatsiate in awlmawk nei ngawl ziam? Amate in ka mite neisa sutolna taw nungta a, kei tungah zongh thu hong ngen ngeingawl hi.”

⁵ Ahihang tuasia ciangin amate laungawp tu uh hi, banghang ziam cile Pathian in ama thu a nite taw omkhawm hi.

⁶ Ngitlo tatsiatna a vawtte in mihing kiniamkhiak pa ii ngealnate nawngkaisak hi, ahihang Topa sia ama ii kidalna ahi hi.

⁷ Zion panin Israel te ii zawna hong pai natu in bangza in thungen khi ziam. Topa in Israel te a khantosak kik hun ciang bangza in amate lungdam tu ziam!