Psalm Late 137 - Syin Chin Bible

Saltaang Israel te Kaana

¹ Babylon ngunte hui ah ka to uh hi; tua munah Zion ka phawk uh ciangin ka kap uh hi.

² A nai a om pakngiam kungte tungah ka tengtonghte uh ka khai uh hi;

³ Ko hong pummatte in lasa in hong sawl hi. Amate ngualnop natu in “Zion la hong sak tavun” hong ci uh hi.

⁴ Ngual ngam ngual lei ah bangbangin Topa tungah lasa thei tu khu ziam?

⁵ Jerusalem awng, nang kong mangil le tengtongh zongh tum thei ngei nawn bua tong!

⁶ Nang sia ka lungdamna lianbel na hi hunlam kong ngaisun bua a, nang kong mangil le, la zongh sa kik thei ngei nawn bua tong!

⁷ Topa awng, Jerusalem a kilaak ni in Edom te ngamtatna na phawk in. “A bul dongin sutham vun” a ci kikik uh sia na phawk in.

⁸ Babylon awng, nang sia hong kilalsak tu hi. Kote tungah nong vawtna sa teng hong thuk kik te —

⁹ na nausente uh hong laaksak in suangpi tungah hong teaklupsak te sia mihing lungdamte ahi uh hi.