Psalm Late 13 - Syin Chin Bible

Hu natu Thungetna

¹ Topa awng, bang tanvei hong mangil lai tu ni ziam? A tawntung ziam? Kei kung pan bang tanvei na kiseal lai tu ziam?

² Ngimnate bang tanvei thuak lai tu khi ziam? Sun taw zan taw bang tanvei heena taw kidim lai tu khi ziam? Ka ngalte in bang tanvei kei tungah hong zo lai tu ziam?

³ Topa ka Pathian awng, kei hong en ta'n a, hong zo ta'n. Ka thatang hong dimh kik ta'n a, hong thisak heak in.

⁴ Ka ngalte in “Ama ka zo zo uh hi” cisak heak in; kei puna hu in amate na kisatheisak heak in.

⁵ A kip nong itna hong suang khi hi; ka lungdam tu hi, banghang ziam cile nangma in nong suatak tu hi.

⁶ Topa awng, nang, la kong sak tu hi, banghang ziam cile nang in kei tungah nong pha hi.