Psalm Late 127 - Syin Chin Bible

Pathian ii Phatna Pokna

¹ Topa in inn a sa buale inn sate ii dianna in a luithawthong ahi hi; Topa in khuapi a dal buale ngalvilte ii cinna sia a luithawthong ahi hi.

² Zingsang thopal a, nitak lum hakin kivaak kitaa natu nasia takin nasep sia, a luithawthong ahi hi. Banghang ziam cile Topa in ama ii itte a mutthip lanin hu hi.

³ Tanu tapate sia Topa hong piak letsong hi; amate sia thupha tatak khat ahi hi.

⁴ Mihing khat ii a khanmoi lai a hin tapate sia ngalkap khat ii khut sungah a om thaltangte bang ahi hi.

⁵ Tuabang thaltang tam a neipa sia mihing lungdam ahi hi. Thukhenna munah a ngalte taw a kisik ciangin ama in a lel ngei buatu hi.