Psalm Late 124 - Syin Chin Bible

A mite A Sungsia Pathian

¹ Topa in ei sangah hong pang ngawl hile bang suak tu hi ziam? Hong zo tavun, Israel te awng!

² “Topa ei sangah hong pang ngawl hi thong le,

³ ih ngalte ii hong sim ciang, thinsona taw eite a hingtang in hong valhlum zo tu hi;

⁴ tuaciang namthuam in hong taikeak zo tu a, tui in hong khum zo tu hi,

⁵ a lauhuai khuanawl in tui hong tasak zo tu hi.”

⁶ Ih ngalte ii hong lalthapsak tu, a oai ngawl Topa tungah lungdamko tawng.

⁷ Savaipa thaang sung pan a suakta vacim khat bangin ei zongh ih suakta zo hi; a thaang taltham zo a, eite suakta hi hing!

⁸ Simlei vantung a vawt Topa kung panin eite hong huna hong pai ahi hi.