Psalm Late 121 - Syin Chin Bible

Ei Hong dal Topa

¹ Kei hong kihuna koisung pan hong pai tu ziam ci in mualtung ka ento hi.

² Kei hong kihu natu sia van le lei a vawt Topa kung panin hong pai hi.

³ Ama in nang hong puksak ngawl tu hi; nang hong dalpa in a tawntungin khangciim hi.

⁴ Israel te a dalpa in lusu ngeingawlin mu ngeingawl hi.

⁵ Topa in nang hong cing tu hi; ama sia na kungah nang hong dal tu in om hi.

⁶ Sunin ni in nang hong liamsua ngawl tu a, zanin tha in zongh nang hong nasak ngawl tu hi.

⁷ Topa in nang sia launa theampo panin hong dal tu hi; ama in nang hong keamcing tu hi.

⁸ Ama in na sungtanna le, na pusuana ah tu le a tawntungin nang hong dal tu hi.