Psalm Late 114 - Syin Chin Bible

Paisan Poai La khat

¹ Israel te in Egypt ngam pan pusuak a, Jacob suante in tua ngamdang sia a nusiat ciang,

² Judah sia Topa ii minam thiangtho suak a, Israel te sia ama ii neisa suak hi.

³ San Tuipi in en a, taisan hi; Jordan Ngun a luan tawlnga hi.

⁴ Mualpite sia keal bangin leang valet uh hi; mualnote sia tuunote bangin kilawn kawkoai hi.

⁵ Tuipi awng, nang tuabangin na taikeak natu bang thu piang ziam? Tuaciang, Jordan awng, banghangin na luan tawlnga ni ziam?

⁶ No, mualpite awng, banghangin kealte bangin leang valet nu ziam? No, mualnote awng, banghang tuunote bangin kilawn kawkoai nu ziam?

⁷ Topa hong pai ciang, Jacob ii Pathian mai ah leitung awng, liing in;

⁸ suangpite sia tuicingte, suangliang kipte sia ciktui luangte in a kheal sia ama ahi hi.