Psalm Late 113 - Syin Chin Bible

Topa Phatna Pokna

¹ Topa pok vun! Topa naseamte awng, ama min pok vun!

² Tu le a tawntungin ama min kipok tahen.

³ Nisuana pan nitumna ah Topa min pok vun!

⁴ Topa in minam theampo uk hi; Ama ii minthanna sia vantungte sangin saang zaw hi.

⁵ Topa ih Pathian taw a kibang kuama dang om ngawl hi. Ama sia tungsang a saangna ah teang a,

⁶ ahihang ama in vantungte le leitung en tu in kunsuk hi.

⁷ Ama in leivui sung panin mizawngte phongto hi; a kitasamhte a lungmanna panin laamto hi,

⁸ tuaciang a mite ii kumpipa tapate ahi, kumpipa tapate taw kithawlsak hi.

⁹ Ama in tasel nupi sia a inn sungah patoai a; ama in tanu tapa piakna taw ama lungdamsak hi. Topa pok vun!