Psalm Late 110 - Syin Chin Bible

Topa le A teal Kumpipa

¹ Ka topa tungah Topa in, “Na ngalte na peang nuai ah ka koi dong hi sung ka ziatsang ah to in” ci hi.

² Zion panin Topa in na kumpi vaangletna hong khang tu hi. Ama in, “Na ngalte uk in” ci hi.

³ Na ngalte na sim ni ciangin na mite in amate uuk thu in nang hong pawm tu hi. Zingsang tuung daaitui bangin na khangnote in nang kung mual thiangthote tungah hong pai tu hi.

⁴ Topa in ciliap huai kamciam khat vawt a dok kik ngawl tu hi: “Nangma in Melchizedek pan a kinguizui thiampi nam sungah a tawntungin thiampi khat na hi tu hi,” ci in kamciam pia hi.

⁵ Topa sia na ziatsang ah om hi; ama a thin a uuk ciangin kumpite zothal siat tu hi.

⁶ Minam tuatuamte tungah ama in thutan tu a, ngal kisimna phual sia mithiluang taw kidimsak tu hi; leitung kumpite theampo zo siat tu hi.

⁷ Kumpipa in lamhui ah a luang luitui ne tu a, tuasia ciang kithakho sua in, zawna taw a ding tu hi.