Malachi 4 - Syin Chin Bible

Topa Ni Hong theng tu

¹ Vaanglianbelpa Topa in, “A kiphasakte theampo le misiate theampo taangphaw bangin a kak tu ni hong theng tu hi. Tua ni in amate kaanghtum tu a, amate taw kisai bangma a taang nawn buatu hi.

² Ahihang kei thu hong ni note tungah kong ngupna vaangletna sia ni bangin hong suak tu a, nizangte bangin damna hong puak tu hi. Ngankhawk khat sung pan a kitha khuinote bangin suakta in lungdam tu nu hi.

³ Ka dian ni ciang, mi seksolte na zothal tu uh a, amate sia na peang nuai a leivuite bang hi tu uh hi.

⁴ “Israel mite theampo zui tu in, Sinai Mual tungah ka naseampa Moses ka piak thukhamte le thupiaknate, tuaciang hilciannate ciamtee tavun.

⁵ “Ahihang a lauhuai le a lian Topa ni hong thet ma in kamsaangpa Elijah kong paisak tu hi.

⁶ Ama in pate le tate hong ngawmtua kik tu hi; tuabang ahibuale keima kong pai tu a, na ngam ka suksiat kul tu hi,” ci hi.