Isaiah 20 - Syin Chin Bible

A Pumnguak om Kamsaangpa taw Limlakna

¹ Assyria kumpilianpa Sargon thupiakna taw in, Assyria ngalkapmang lianbelpa in Philistine khuapi Ashdod sim hi.

² Tua hun ma kum thum lai in Topa in Amoz ii tapa Isaiah tungah a silh khau-ip puan le a peangdapte suut tu in sawl hi. Ama in thu ni in a pumnguak le a peangnguakin vak kawkoai hi.

³ Ashdod khua a kilaak zawkciang, Topa in, “Ka naseampa Isaiah sia a pumnguak, a peangnguakin kum thum sung vak kawkoai hi. Hi thu in Egypt le Ethiopia te tungah maisang bang teng piang tu cisia, lakna lim ahi hi.

⁴ Tua ngamte nii pan a ngal matte sia a pumnguakin Assyria kumpilianpa in paipui tu hi. Egypt mite maizum kipia tu hi, a moi a haam ci tuan om ngawlin, a ngoaibulte zongh kiseal ngawlin a pumnguak le a peangnguakin vak tu uh hi.

⁵ Ethiopia te muangin, Egypt te hangin a kiphasak tha te a khial hunlam kiphawksak tu a, a lametna uh bo siat tu hi.

⁶ Tuasia hun a thet ciang, Philistia ngam tuipi dung ah a teang mite in, ‘Assyria kumpipa kung pan ei hong dal tu in ih suan ih muanbel mite bang tat thong ziam, en vun! Eite bangbang nungta nawn thong tu hi ziam’ a ci tu uh hi,” ci hi.