Isaiah 12 - Syin Chin Bible

Lungdam Kona Biakna La

¹ Mihingte in hi bang la a sak tu ni khat hong theng tu hi, “Nang kong pok hi, Topa awng! nang in kei tungah nong thin uuk hi, ahihang tu in nong heeneam a, na thin uuk nawn ngawl hi.

² Pathian sia kei hong ngumpa hi; Ama muangin, ka lau buatu hi. Topa in vaangletna le thahatna kei hong pia a; ama sia kei hong ngumpa ahi hi.

³ Tui thiang in a dangko te, a lungdamsak bangma in, Pathian ii mihingte zongh ama ii a ngup ciangin lungdam uh hi.”

⁴ Mihingte in hi bang la a sak tu ni khat hong theng tu hi, “Topa tungah lungdamko vun! Nang hong hu tu in ama sam vun! Ama sep teng minam theampo tungah son vun! Ama bang zata lian ziam cisia mihingte tungah son vun!

⁵ Topa in na lianpite seam zo ahikom ama tungah lasa vun. Hi thuthang sia leitung buppi in za tahen.

⁶ Zion ah a teang mi theampo au in lasa tahen! Israel te ii a thiangtho Pathian sia lian a, ama in a mite sungah teang hi.”